ممتا کی جان بچانے والا سراج الحق گمنا می کی زندگی گزارنے پر مجبور

مغربی بنگال کی وزیراعلیٰ ممتا بنرجی کی جان بچانے والے کانسٹیبل آج بھی اپنی نوکری اور کھویا ہوا وقار دوبارہ حاصل کرنے کی جد وجہد میں مصروف ہیں۔

21 جولائی 1993 میں یوتھ کانگریس کی قیادت کرنے والی ممتا بنرجی اور ان کے حامیوں کے ساتھ اس وقت کی بائیں محاذ حکومت کے خلاف رائٹرس بلڈنگ گھیراؤ کے دوران مبینہ پولیس فا ئرنگ میں 13 یوتھ کانگریس کے حامیوں کو اپنی جان گنوانی پڑی تھی۔

تقریباً 28 برس قبل کولکاتا پویس کے 26 سالہ کانسٹیبل سراج الحق منڈل نے اپنے اعلیٰ افسران کا حکم نہ مانتے ہوئے اس وقت کی یوتھ کانگریس کی اعلیٰ رہنما ممتابنرجی کی جان بچائی۔ سراج الحق منڈل نے نہ صرف اعلیٰ پولیس افسران کے حکم کو نظر انداز کردیا تھا بلکہ پو لیس بیریکیڈ توڑ کر ممتا بنرجی کو لہولہان حالت میں وہاں سے لے کر فرار ہو گئے تھے ۔

سراج الحق منڈل کو ممتابنرجی کی جان بچانے کی قیمت اپنی نوکری گنوا کر چکانی پڑی تھی۔

اس کے چند برس بعد ہی ممتا بنر جی کانگریس سے علحیدہ ہوکر ترنمول کانگریس پارٹی کی بنیاد ڈالی ۔

ممتا بنر جی کی قیادت میں ترنمول کانگریس ایک دہائی کی جد وجہد کے بعد 35 سالہ بائیں محاذ کی حکومت کا خاتمہ کردیا۔ مغر بی بنگال میں ترنمول کانگریس کی حکومت بننے کے بعد سے اب تک سراج لحق منڈل نے ممتا بنرجی سے کئی مرتبہ ملاقات کی ۔

سراج الحق منڈل اور ان کے بیٹوں کو ترنمول کانگریس کی جانب سے کئی مر تبہ نوکری دلانے کی یقین دہانی کرائی گئی ۔ لیکن اس پر کبھی بھی عمل نہیں کیا گیا۔

مغر بی بنگال کی موجودہ وزیر اعلیٰ کی جان بچانے والے سابق کانسٹیبل سراج الحق منڈل آج بھی انصاف کے لیے حکمراں جماعت کے اعلیٰ رہنماؤں کے گھروں کا چکر کاٹتے ہیں لیکن ان کی فریاد سننے والا کوئی نہیں ہے۔