بی جے پی کی ریلی میں جوتا پھینکا گیا

بی جے پی کی ریلی کے دوران کیلاش وجے ورگیہ کی گاڑی پر جوتا پھینکا گیا۔ اس واقعہ سے علاقے میں کشیدگی پھیل گئی۔

مغربی بنگال کے دارالحکومت کولکاتا کے جنوبی پورٹ علاقہ خضر پور میں بی جے پی کی جانب سے ایک ریلی کا اہتمام کیا گیا تھا۔

بی جے پی کی یہ ریلی خضرپور سے شروع ہو کر ہسٹنگ، دھرمتلہ سے ہوتے ہوئے سینٹرل ایونیو میں واقع بی جے پی کے ریاستی ہیڈ کوارٹر پہنچنے والی تھی۔

خضر پور میں ریلی کے دوران بی جے پی کے رہنما کیلاش وجے ورگیہ کی گاڑی پر کسی نے جوتا پھینک دیا۔ اس سے علاقے میں کشیدگی پھیل گئی۔

کیلاش وجے ورگیہ

بی جے پی کے رہنماؤں نے اس واقعے کی پر زور مذمت کرتے ہوئے اسے ترنمول کانگریس کی سازش قرار دیا۔

بی جے پی کے رہنماؤں کا کہنا ہے کہ بی جے پی کو اقتدار کے قریب دیکھ کر ترنمول کانگریس کے رہنما ذہنی توازن کھو چکے ہیں۔ اسی وجہ سے وہ اس طرح کی حرکت کرنے پر مجبور ہو گئے ہیں۔

بی جے پی کی اس ریلی میں ریاستی انتخابی مشیر کیلاش وجے ورگیہ کے علاوہ بی جے پی کے قومی نائب صدر مکل رائے، رکن پارلیمان ارجن سنگھ سمیت دیگر اعلیٰ رہنما شامل تھے۔

وہیں، حال ہی میں بی جے پی میں عہدہ حاصل کرنے والے شوبھن چٹرجی اور ان کی ساتھی بیساکھی بنرجی اس ریلی میں شامل نہیں ہوئے۔