وزیراعلیٰ ممتا بنرجی نے کہاکہ مغربی بنگال پرُامن ریاست ہے۔ مگربیرونی ریاستوں کے سماج مخالف عناصربنگال کی پرُامن فضامکدر کرنے کی سازش کر رہے ہیں۔بنگال مخالف سرگرمیوں میں ملوث افراد کو کبھی کامیا ب ہونے نہیں دیں گے۔
انہوں نے کہاکہ شمالی24 پر گنہ کے جگتدل تھانہ علاقے میں سیاسی پارٹیوں کے حامیوں کے درمیان جھڑپ کے نام پر اقلیت کوپریشان کی جارہا ہے۔ مسلمانوں کے گھروں اوردکانوں پر حملے کئے جارہے ہیں۔
ترنمول کانگریس کی سپریمو کے مطابق بیرکپور پارلیمانی حقلے میں بی جے پی ماحول بگاڑنے کی کوشش کر رہی ہے۔وہاں کے ایم پی اور ایم ایل اے دونوں باپ بیٹے ہیں۔ دونوں مل کر ماحول خراب کرنے کی کوشش کر رہے ہیں۔
ممتابنرجی کے مطابق تمام پارٹیوں کے ساتھ ساتھ کولکاتا پولیس اوراعلیٰ افسران کومیٹنگ میں شرکت کی ہدایت دی ہے۔
واضح رہے کہ بھاٹ پاڑہ میں گزشتہ ڈھا ئی مہینوں سے جاری جھڑپوں میں اب تک چار افراد کی موت ہو چکی ہے جبکہ درجنوں افراد زخمی ہو چکے ہیں۔
TAGGED:
shamsher