بنگال کے وزیر کی گورنر پر کڑی تنقید

مغربی بنگال کی حکمراں اور ترنمول کانگریس کے سنئیر رہنما جیوتی پریہ ملک نے گورنر جگدیپ دھنکر پر جم کر تنقید کی۔

ترنمول کانگریس کے سنئیر رہنما اور وزیر جیوتی پریہ ملک نے گورنر جگدیپ دھنکر پر تنقید کرتے ہوئے کہا کہ “وہ گورنر کم بی جے پی کے صدر زیادہ ہیں ۔”

ریاستی وزیر جیوتی پریہ ملک نے نامہ نگاروں سے گفتگو کرتے ہوئے کہا کہ ‘گورنر جگدیپ دھنکر ان دنوں سرخیوں میں ہیں۔'

انہوں نے کہا کہ ‘وزیر داخلہ سے ملاقات کرنا کوئی بری بات نہیں ہے لیکن ریاست کی سکیورٹی سے متعلق باتیں کرنے پر اعتراض ہے۔'

ریاستی وزیر کا کہنا ہے کہ “گورنر جگدیپ دھنکر گورنر کم اور بی جے پی کے صدر زیادہ لگتے ہیں۔”

انہوں نے کہا کہ “گورنر جگدیپ دھنکر بی جے پی کے صدر کی طرح کام کرتے ہیں وہ اکثر وبیشتر ریاستی حکومت کے خلاف بیان بازی کرتے ہیں، بنگال میں بی جے پی کے دو صدر ہیں دلیپ گھوش صدر ہیں اور گورنر سپر صدر ہیں۔”

جیوتی پریہ ملک کے مطابق بی جے پی کا بنگال حکومت بنانےکا خواب کبھی پورا نہیں ہوگا۔

واضح رہے کہ مغربی بنگال کے گورنر جگدیپ دھنکر نے وزیر داخلہ امت شاہ سے ملاقات کرنے کے بعد پریس کانفرنس کے دوران ریاست کی داخلہ سکیورٹی پر تبادلہ خیال کیا تھا۔

اس کے بعد بنگال کی حکمراں جماعت ترنمول کانگریس سمیت کانگریس, بائیں محاذ نے گورنر کی جم کر تعریف کی تھی۔