کولکاتا میں دھماکے سے کلب کی چھت منہدم

شمالی کولکاتا کے بیلیاگھاٹا تھانہ علاقے میں دھماکے کے سبب ایک کلب کی چھت منہدم ہوگئی، اس واقعے سے علاقے میں دہشت پھیل گئی ہے۔

ریاست مغربی بنگال کے دارالحکومت کولکاتا کے بیلیاگھاٹا تھانہ علاقے میں واقع گاندھی مٹھ فرینڈس کلب دھماکے سے لرز اٹھا۔

دھماکے کی شدت اتنی تھی کلب کی چھت منہدم ہوگئی، اور دھماکے کے بعد علاقے میں افراتفری مچ گئی۔

کولکاتا میں دھماکے سے کلب کی چھت مہندم

جب پولیس کو اس واقعے کے بارے میں بتایا گیا تو پولیس جائے واردات پر پہنچ کر تفتیش شروع کردی، تاہم پولیس کی تفتیش اب بھی جاری ہے۔

پولیس کا کہنا ہے کہ اس سلسلے فی الحال کچھ کہا نہیں جاسکتا کہ آخر یہ حادثہ کیسے ہوا، کیوں کہ تفتیش جاری ہے۔

واضح رہے کہ راحت کی بات یہ ہے کہ اس واقعے میں کسی بھی جانی اور کسی کے بھی زخمی ہونے کی اطلاع نہیں ہے۔

کلب میں دھماکے کے بعد مقامی باشندوں نے تشویش کا اظہار کیا۔