پولیس افسر نے ممتا بنرجی کو خودکشی کا ذمہ دار ٹھہرایا

ریاست مغربی بنگال میں بی جے پی رہنما مکل رائے نے کہا کہ ریاست کی تاریخ میں پہلی مرتبہ ہوا ہے کہ سنیئر آئی پی ایس افسر نے خودکشی کی اور اس کا ذمہ دار حکومت کو ٹھہرایا ہے۔

مکل رائے نے وزیر اعلیٰ ممتا بنرجی کی گرفتاری کا مطالبہ کیا ہے اور یہ بھی کہا کہ اس کیس کی تحقیقات سی بی آئی سے کرانی چاہیے۔

کولکاتا میں ایک سینیئر افسر کا سوسائڈ نوٹ سوشل میڈیا پر وائرل ہوا ہے جس میں انہوں نے خودکشی کا ذمہ دار ممتا بنرجی کو ٹھہرایا ہے۔ نوٹ میں لکھا تھا ' 31 دسمبر 2018 کو ریٹائر ہونے کے باوجود ریاستی حکومت نے ان کا بقایہ ادا نہیں کیا بلکہ لٹکا کررکھا '۔

تاہم سوسائڈ نوٹ کیسے وائرل ہوا ہے یہ ابھی تک واضح نہیں ہوپایا ہے۔

واضح رہے کہ گذشتہ ہفتے گورو دت کی بیوی جب اپنے گھر لوٹی تو انہوں نے پول کو خون سے آلودہ پایا اور گورو دت کی کلائی کٹی ہوئی دیکھی۔ ان کو فوری طور ہسپتال میں داخل کیا گیا جہاں ڈاکٹروں نے انہیں مردہ قرار دیا۔