کولکاتا میں بارش سے لوگوں کو راحت

ریاست کے مختلف اضلاع میں گزشتہ روز ہوئی بارش سے لوگوں کو شدید گرمی سے راحت ملی ہے، وہیں درجہ حرارت میں نمایاں کمی بھی آئی ہے۔

مغربی بنگال کے مختلف اضلاع میں گزشتہ روز سے ہو رہی بارش کی وجہ سے عام لوگوں کو شدید گرمی سے راحت ملی ہے۔

دارالحکومت کولکاتا اور اس کے اطراف کے اضلاع شمالی 24 پرگنہ، جنوبی 24 پرگنہ اور ہوڑہ میں گزشتہ شام تیز بارش ہوئی جس سے درجہ حرارت میں نمایاں کمی آئی ہے۔

اس دوران علی پور محکمہ موسمیات نے آئندہ دو تین دنوں تک ریاست کے مختلف اضلاع میں بارش کی پیشنگوئی کی ہے، ساتھ تیز ہوائیں چلنے کی امکان بھی ظاہر کی ہے ۔

محکمہ موسمیات کا کہنا ہے کہ اگلے تین چار دنوں تک موسم کا مزاج ایسا ہی رہنے والا ہے. کہیں بارش ہوگی تو کہیں گرج کے ساتھ تیز ہوائیں چلے گی۔


وہیں عام لوگوں کا کہنا ہے رمضان المبارک کے مہینے میں بارش کے ہونے سے شدید گرمی سے راحت ملی ہے۔