ممتاز شاعر و ادیب علقمہ شبلی کا انتقال

اردو ادب کے ممتاز شاعر و ادیب علقمہ شبلی کا آج کولکاتا میں طویل علالت کے سبب 93 برس کی عمر میں انتقال ہوگیا۔ کلکتہ مدرسہ کے ای پی ڈپارٹمنٹ میں فارسی کے استاد تھے اور بچوں کی نظمیں لکھنے کے لیے ملک بھر میں مقبول تھے۔

مغربی بنگال کی سرزمین اردو ادب میں ایک اہم مقام رکھتی ہے اور اس سرزمین نے بڑے بڑے شاعر و ادیب کو جنم دیے ہیں، ایسے ہی شخصیتوں میں سے ایک علقمہ شبلی کا نام لیا جا سکتا ہے۔

انہوں نے کولکاتا کے معروف تاریخی تعلیمی ادارہ کلکتہ مدرسہ اے پی ڈپارٹمنٹ میں فارسی کے استاد کی حیثیت سے خدمات انجام دیے۔ ان کی ادبی زندگی بچوں کے لیے نظمیں لکھنے سے شروع ہوئی تھی۔ آہستہ آہستہ انہوں نے اردو ادب میں ایک اہم مقام حاصل کر لیا۔ اردو شاعری میں خصوصی طور پر بچوں کی نظمیں لکھنے کے لیے وہ پورے ہندوستان میں مقبول تھے ۔ ان کی شاعری کا اعتراف کرتے ہوئے کئی ادبی رسالوں میں ان کا خصوصی گوشہ شائع ہو چکا ہے۔ چند برس قبل کولکاتا سے شائع ہونے والا ماہنامہ مژگاں نے ان کی ادبی خدمات کے اعتراف میں ایک خصوصی گوشہ شائع کیا تھا۔