نیو ٹاؤن سے انسانی ڈھانچہ برآمد

کولکاتا سے متصل نیو ٹاؤن علاقے سے انسانی ڈھانچے کے برآمد ہونے کے بعد پولیس نے اس معاملے کی جانچ شروع کردی ہے کہ یہ ڈھانچے کہاں سے آئے اور ان کی موت کیسے ہوئی۔

مغربی بنگال کے دارلحکومت کولکاتا سے متصل نیو ٹاؤن تھانے علاقے سے انسانی ڈھانچہ برآمد ہونے سے سنسنی پھیل گئی۔

پولیس نے تفتیش شروع کر دی ہے لیکن اب تک کوئی سراغ ہاتھ نہیں لگا ہے۔

تاہم پولیس نے جائے وقوع سے ایک پین کارڈ اور لائسنس برآمد کیا ہے۔ پین کارڈ پر سنگما لکھا ہوا ہے جو آسام کے رہنے والے ہیں۔

نیو ٹاؤن پولیس نے اس معاملے میں بڑے پیمانے پر جانچ شروع کردی ہے کہ یہ ڈھانچہ اسی شخص کا ہے جس کا پین کارڈ برآمد کیا گیا ہے یا پھر کسی اور کا ہے۔

پولیس اس معمہ کو حل کرنے کی کوشش کررہی ہے کہ آخر موت کیسے ہوئی۔ کیا قتل کیا گیا ہے۔ پولیس کا کہنا ہے کہ ڈھانچے ہونے میں وقت لگتا ہے تو پھر لاش کو کسی نے کیوں نہیں دیکھا۔