ممتا بنرجی کے سیکولرازم پر لفٹ اور کانگریس کا سوال

ترنمول کے رہنماؤں کا کہنا ہے کہ وزیراعلیٰ ممتا بنرجی تمام مذاہب کو ساتھ لے کر چلتی ہیں اور ہر جلسہ و جلوس ان کی باتیں کرتی ہیں جو اپوزیشن پارٹیوں کو ناگوار گزرتی ہے۔ وہیں، لفٹ اور کانگریس ان پر مذہب کا سیاست کرنے کا الزام عائد کر رہی ہیں۔

مغربی بنگال میں منعقد ہونے والے اسمبلی انتخابات 2021 کا پانچواں مرحلہ ختم ہو چکا ہے۔ چھٹویں مرحلے کی تیاریاں زور شور سے جاری ہے۔ اسمبلی انتخابات کے چھٹویں مرحلے میں 22 اپریل کو ووٹ ڈالے جائیں جس کی تمام تیاریاں مکمل کر لی گئی ہے۔

حکمراں جماعت ترنمول کانگریس سمیت تمام اپوزیشن جماعتیں چھٹے مرحلے میں شاندار کارکردگی کا مظاہرہ کرنے کے لیے پر عزم ہیں۔ ووٹرز کی توجہ اپنی اپنی طرف راغب کرنے کی ہر ممکن کوشش میں مصروف ہیں۔

دوسری طرف ترنمول کانگریس کی سربراہ اور وزیراعلیٰ ممتا بنرجی تمام مذاہب کو ساتھ لے کر چلتی ہیں اور ہر جلسہ و جلوس میں ان کی باتیں کرتی ہیں جو اپوزیشن پارٹیوں کو ناگوار گزرتی ہے۔

ترنمول کانگریس کی سربراہ اور وزیراعلیٰ ممتا بنرجی کے ہر جلسے جلوس میں چنڈی پاٹ کرنا، پہلا کلمہ طیبہ پڑھنا، سکھ اور عیسائی سے متعلق باتیں کرنے پر اپوزیشن کے نشانے پر آگئی ہیں۔

پہلے تو وزیراعظم نریندر مودی، امت شاہ سمیت بی جے پی کے تمام اعلیٰ رہنما ممتا بنرجی پر اقلیتی طبقے کو ووٹ بینک کے طور پر استعمال کرنے کا الزام عائد کرتے رہے ہیں لیکن اب مغربی بنگال پردیش کانگریس کے صدر ادھیر رنجن چودھری اور لفٹ فرنٹ کے رہنماؤں کی جانب سے بھی ترنمول کانگریس کی سربراہ پر بی جے پی کی طرح مذہب کے نام پر سیاست کرنے کا الزام عائد کیا۔

پردیش کانگریس کے صدر ادھیر رنجن چودھری کا کہنا ہے کہ بی جے پی کی طرح ممتابنرجی بھی مذہب کی سیاست کرتی ہیں۔ اسی لیے وہ ہر سیاسی جلسہ و جلوس میں چنڈی پاٹ کرتی ہیں اور کلمہ پڑھتی ہیں۔

انہوں نے کہا تھا کہ مذہب کے نام پر سیاست کرنے والے زیادہ دنوں تک اقتدار میں نہیں رہ سکتے ہیں۔ آنے والے دنوں میں بی جے پی اور ترنمول کانگریس دونوں اقتدار سے ہمیشہ ہمیشہ کے لیے دور ہو جائیں گی۔

ترنمول کانگریس کی سربراہ اور وزیراعلیٰ ممتا بنرجی اپوزیشن جماعتوں کے الزام کو زیادہ اہمیت نہیں دیتی ہیں۔ ان کا کہنا ہے کہ اپوزیشن جماعتوں کا الزام لگانا ایک سیاسی ہتھکنڈہ سے زیادہ کچھ بھی نہیں ہے۔ اس کی کوئی اہمیت نہیں ہے۔

ترنمول کانگریس کی سربراہ ممتا بنرجی کا کہنا ہے کہ بنگال کی سرزمین ہی تمام مذاہب کے لوگوں کو ایک ساتھ لے کر چلنے کی اجازت دیتی ہے۔ ان کا کہنا ہے کہ وہ قومی یکجہتی اور سیکولرازم کو مضبوط بنانے کے لیے تمام مذاہب کے لوگوں کے بارے میں بات کرتی ہیں۔

واضح رہے کہ ترنمول کانگریس کی سربراہ اور وزیراعلیٰ ممتا بنرجی سیاسی جلسہ یا ثقافتی جلسے کے دوران اکثر و بیشتر چنڈی پاٹ کرتی ہیں۔ اس کے پہلا کلمہ پڑھتی ہیں۔ سکھ اور عیسائی سے باتیں کرتی ہیں۔