بخار سے ایک کی موت

شمالی 24 پرگنہ کے دے گنگا میں ڈینگو کے بعد اب نامعلوم بخار کے سبب ایک شخص کی موت ہو گئی جبکہ متعدد افراد ہستپال میں زیرعلاج ہیں۔

مغربی بنگال کے ضلع شمالی 24 پر گنہ کے دے گنگا محکمہ میں گزشتہ چند ہفتوں سے ڈینگو کا قہر جاری ہے، اب اس درمیان نامعلوم بخار کی وبا سنگین شکل اختیار کرلی ہے۔

بی ڈی او سبرتو ملک نے ڈینگو اور نا معلوم بخار سے متاثر دے گنگا محکمہ کے مختلف علاقوں کا دورہ کرکے حالات کے جائزے لیا ۔ ان کا کہنا ہے کہ دے گنگا اور اس کے آس پاس کے گاؤں میں نا معلوم بخار کے سبب اب تک پانچ افراد کی موت ہو چکی ہے۔

انہوں نے کہا کہ متعدد افراد کو دے گنگا اور اس کے اطراف کے صدر ہستپال میں داخل کرایا گیا ہے۔ ضلع انتظامیہ حالات پر جلد سے جلد قابو پانے کی کوشش کر رہا ہے۔

بی ڈی او کے مطابق ضلع انتظامیہ کو متاثر علاقوں میں صاف صفائی پر توجہ دینے کی ہدایت دی گئی ہے۔ اس کے علاوہ گاؤں والوں میں بیداری لانے کے لیے مہم چلانے کا مشورہ دیا گیا ہے۔