مسلم محلوں میں پولیس کی چھاپہ ماری کے خلاف خواتین کا احتجاج
ہگلی :ریاست مغربی بنگال کے ہگلی ضلع کے رشٹرا میں رام نومی کے موقع پر جلوس کے دوران دو گروپوں میں جھڑپ کے بعد مسلم محلوں میں پولیس کی مسلسل چھاپہ ماری اور تلاشی مہم کے خلاف خواتین نے جم آج کر احتجاج کیا اورسڑک کی ناکہ بندی کردی۔احتجاج کے سبب گاڑیوں کی آمدورفت پوری طرح سے ٹھپ پڑگئی۔
ہگلی ضلع کے رشٹرا میں آج سینکڑوں خواتین پولیس پر اقلیتی طبقے کو پریشان کرنے کا الزام لگاتے ہوئے سڑکوں پر اتر آئیں۔خواتین نے مسلم محلوں میں مسلسل چھاپہ ماری اور ان کے رشہ داروں کو پریشان کرنے کے خلاف احتجاج کیا۔
خواتین کا کہنا ہے کہ پولیس اب ظلم کرنے لگی ہے۔تشدد کے بعد سے آج تک پولیس نے مسلم محلوں میں مسلسل چھاپہ ماری مہم چلا رہی ہے۔پولیس کی کارروائی کے سبب لوگوں میں دہشت کا ماحول ہے۔ پولیس لوگوں کو پریشان کر رہی ہے۔