نصرت جہاں نے ترکی میں گزشتہ روز بدھ کو کولکاتہ کے مشہور تاجر نکھل جین کے ساتھ شادی کی۔ نصرت نے اس بات کی تصدیق سماجی رابطے کی ویب سائٹ ٹوئٹر کے ذریعے کی۔
نصرت نے ٹوئٹر پر اپنی شادی کی تصویر شئیر کرتے ہوئے لکھا تھا: ' نکھل جین کے ہمراہ خوشحال زندگی کی طرف'۔
نصرت جہاں اور نکھل جین کی شادی ترکی کے بوردم قصبے میں ہوئی جہاں پر ایم پی ممی چکرابوردی کے ساتھ ساتھ قریبی رشتہ دار اور چند احباب موجود تھے۔
نصرت جہاں شادی کی تیاریوں کی وجہ سے لوک سبھا کے رکن کے طور پر حلف نہیں لے سکیں۔
نصرت جہاں نے بشیر ہاٹ پارلیمانی حلقے میں بی جے پی کے امیدوار ساینتن باسو کو تقریبا ساڑھے تین لاکھ ووٹوں سے شکست دی تھی۔ نصرت جہاں نے مغربی بنگال کی حکمراں جماعت ترنمول کانگریس کے ٹکٹ پر الیکشن میں حصہ لیا تھا۔
