مدرسہ مدینتہ العلوم انسٹی ٹیوٹ میں محفل ذکر رسولﷺ منعقد

جنوبی کولکاتا کے 66 نمبر وارڈ میں واقع مدرسہ مدینتہ العلوم انسٹی ٹیوٹ میں محفل ذکر رسول کا اہتمام کیا گیا، جس میں طلبہ اور مقامی باشندوں نے شرکت کی۔

مغربی بنگال کے دارالحکومت کولکاتا کے مسلم اکثریتی تجارتی علاقہ توپسیا میں واقع مدرسہ مدینتہ العلوم انسٹی ٹیوٹ میں بارہ ربیع الاول کے موقع پر ذکر محفل رسول کا اہتمام کیا گیا۔

اس موقع پر مدرسہ مدینتہ العلوم انسٹی ٹیوٹ کے سربراہ مفتی مجاہد حسین حبیبی نے کہا کہ صرف 12 ربیع الاول ہی نہیں بلکہ یہ پورا مہینہ مسلمانوں کے لئے اہم ہے۔

انہوں نے کہا کہ مغربی بنگال میں اگلے تین چار دنوں تک بارش کا سلسلہ جاری رہنے والا ہے اسی کے مدنظر مدرسہ مدینتہ العلوم انسٹی ٹیوٹ میں اگلے تین چار دنوں تک حضرت محمدﷺ کی شان میں مختلف تقریبات کا اہتمام کیا جائے گا۔

انہوں نے کہا کہ مسلسل بارش کے سبب سڑکوں کی حالت بہت ہی خراب ہے، اسی وجہ مدرسے کے اندر ہی تقریبات کا منصوبہ ہے۔ عام لوگوں نے بھی ایسا ہی کرنے کا مشورہ دیا ہے۔

اس موقع پر مدرسہ مدینتہ العلوم انسٹی ٹیوٹ کے طلبہ نے نعت رسول پیش کیا۔ تقریب میں شرکت کرنے والوں کو ماہ ربیع الاول کی اہمیت پر روشنی ڈالی۔

واضح رہے کہ مغربی بنگال میں گزشتہ سنچر سے بارش کا سلسلہ شروع ہوا ہے جو اب تک جاری ہے، علی پور محکمہ موسمیات کے مطابق ریاست کے مختلف اضلاع میں جمعہ تک بارش کا سلسلہ جاری رہے گا۔

غورطلب ہے کہ مغربی بنگال میں ان دنوں تہواروں کا سیزن چل رہا ہے جو ایک مہینہ یعنی اگلے ماہ نومبر تک جاری رہے گا۔

ریاستی حکومت، محکمہ صحت اور پولیس انتظامیہ کی جانب سے ہر تہوار کے لئے گائیڈ لائن جاری کی جا رہی ہے۔