Durand Cup Quarter Finals کوارٹرفائنل میں محمڈن اسپورٹنگ کا کیرالہ بلاسٹرز سے مقابلہ آج

ڈورنڈ کپ فٹبال ٹورنامنٹ2022 کے پہلے کوارٹر فائنل میں محمڈن اسپورٹنگ اور کیرالہ بلاسٹرز کی ٹیمیں سالٹ لیک اسٹیڈیم میں آمنے سامنے ہوں گی۔دونوں ٹیمیں اپنی اپنی جیت کے لئے پرعزم ہیں۔ Durand cup quarter finals

مغربی بنگال کے دارالحکومت کولکاتا سے چند کیلومیٹر کے فاصلے پر شمال 24 کے بدھان نگر میں واقع سالٹ لیک اسٹیڈیم میں تاریخی فٹبال ٹورنامنٹ131 واں ڈورنڈ کپ میں ناک آؤٹ راؤنڈ مہم کی شروعات ہوگی۔Md Sporting take on Kerala blasters in Durand cup first quarter finals

ٹورنامنٹ کے پہلے کوارٹر فائنل میچ میں میزبان محمڈن اسپورٹنگ اور آئی ایس ایل کی فرانچایزی ٹیم کیرالہ بلاسٹرز سالٹ لیک اسٹیڈیم میں نبرد آزماہوں گی۔دونوں ٹیموں کے درمیان دلچسپ اور سنسنی خیز مقابلہ ہونے کا امکان ہے۔

دونوں ٹیمیں اپنے اپنے گروپ میں غیرمفتوح ریکارڈ کو برقرار رہتے ہوئے ناک آؤٹ راؤنڈ میں کھیلنے کا اعزاز حاصل کیا۔میزبان ٹیم محمڈن اسپورٹنگ کے روسی کوچ آیندرے شیوچینوکووا نے کہا کہ کوارٹر فائنل مقابلے کے لئے ہم نے پختہ تیاری کی ہے اور جیت ہماری ہوگی۔

کوارٹرفائنل میں محمڈن اسپورٹنگ کا کیرالہ بلاسٹرز سے مقابلہ آج

انہوں نے کہا کہ ہماری ٹیم کی تیاری اچھی ہے لیکن ہم کیرالہ بلاسٹرز جیسی ٹیم کو کسی بھی قیمت پر نظر انداز نہیں کر سکتے ہیں۔ہم اپنی طرف سے شاندار کارکردگی کا مظاہرہ کرنے کی کوشش کریں گے۔محمڈن اسپورٹنگ کو ہوم گراؤنڈ میں میزبان شیدائیوں کی موجودگی میں کھیلنے کا بھر پور فائدہ مل سکتا ہے

دوسری طرف آئی ایس ایل کی فرانچایزی ٹیم کیرالہ بلاسٹرز میزبان محمڈن اسپورٹنگ کو سخت آزمائش سے دو چار کرنے کے بلند ارادوں کے ساتھ میدان میں اترے گی۔کیرالہ بلاسٹرز کی ٹیم مضبوط اور متوازن ہے۔