مغر بی بنگال کے جنوبی 24 پر گنہ کےکیننگ تھانے کے تحت علاقے میں خفیہ اطلاع کی بنیاد پر چھاپہ ماری مہم کے دوران پولیس نے سلائی کارخانے کی آ ڑ میں ہتھیاروں کے دھندا کرنے والے گروہ کا پردہ فاش کیا ہے ۔
ضلع جنوبی24 پر گنہ کے اعلیٰ پولیس افسر کاکہنا ہے کہ بروئی پور ضلع پولیس اسپیشل آ پریشن گروپ کی ٹیم نے خفیہ اطلاع کی بنیاد پر کارخانے میں چھا پہ ماری مہم چلا ئی اور کثیر تعداد میں ہتھیار بر آمد کیے ۔
پولیس افسر نے پر یس کانفرنس کے دوران کہاکہ ہتھیاروں کے دھندے میں ملوث شخص کی گرفتاری عمل میں آ ئی ہے ۔ گرفتار شخص کی شناخت صدیق لشکر کے طور پر ہوئی ہے۔
انہوں نے کہاکہ ہتھیاروں کے اسمگلنگ میں صدیق لشکر کانام پہلے بھی آچکا ہے۔ان کے دیگر ساتھیوں کی تلاش جا ری ہے۔چھاپہ ماری کے دوران ون شوٹر،پوسٹیٹ لنک،18 پائپ گن،22 بندوق ،نائن ایم ایم پستول اور کارتوس وغیر بر آمد کیے گیے ہیں۔
اعلیٰ افسر نے کہاکہ صدیق سے پوچھ گچھ کے دوران پتہ چلا ہے کہ کیننگ کے علاوہ، کلتولی،جے نگر اور اس کے اطراف میں غیرقانونی ہتھیابنانے کے کارخانے موجود ہیں ۔
