مغربی بنگال کی وزیراعلیٰ ممتابنرجی نے مہاراشٹر کے اورنگ آباد ضلع میں ہوئے ریل حادثے میں ہلاک شدگان کے تئیں تعزیت کا اظہار کیا ہے۔ اس حادثے میں زخمی ہو نے والے لوگوں کی جلد سے جلد صحتیابی کے لئے دعا کی ۔
وزیراعلیٰ نے کہاکہ آج صبح اورنگ آباد میں مال گاڑی کی زد میں آکر ہلاک ہونےو الے مزدوروں کی خبر سن کر صدمہ پنچا۔ دن کی شروعات بری خبرسے ہوئی ۔
حکمراں جماعت اترنمول کا نگریس کی سربراہ نے کہا کہ بھگوان سے آنجہانی مزدوروں کی روح کو سکون دینے اور لواحقین کو صبر دینے اور زخمیوں کے جلد ٹھیک ہونے کی دعا کی ہے۔ غریب مزدور گھر واپس آنے کی امید لے کر سوئے اور ان کے ساتھ ایسا حادثہ ہو گیا ۔
ممتا بنرجی کا کہنا ہے کہ دکھ کی اس گھڑی میں سوگوار لواحقین خود کو اکیلانہ سمجھیں ،پورا ملک ان کے ساتھ کھڑا ہے ۔حکومت فوری طورپر لاشوں کو پہنچانے اور لانے کا انتظام کرے اور اقتصادی مدد کا اعلان کرے۔
