ابھیجیت بنرجی کے گھر پر پہنچ کر ممتا نے مبارکباد پیش کی

مغربی بنگال کی وزیراعلیٰ ممتا بنرجی نے آج اقتصادیات کا نوبل انعام جیتنے والے ابھیجیت بنرجی کے گھر جاکر ان کی والدہ نرملا بنرجی سے ملاقات کی اور ابھیجیت بنرجی کے مشورے پر کام کرنے کی خواہش کا اظہار کیا۔

معیشت کے لیے نوبل انعام جیتنے والے ابھیجیت بنرجی کے مکان پر پہنچنے کے بعد ممتا بنرجی نے کہا کہ ہمیں ابھیجیت بنرجی پر فخر ہے اور ہم ان کے ساتھ کام کرنا چاہتے ہیں۔

ابھیجیت بنرجی کی والدہ نرملا بنرجی کو کاشتکاری کے شعبہ میں دلچسپی ہے اس لئے ممتا بنرجی نے آلاپن بندھوپادھیائے شعبہ کے عہدیداروں کو نرملا بنرجی کے ساتھ ایک اجلاس منعقد کرتے ہوئے ترقیاتی امور پر بات چیت کرنے کی ہدایت دی۔

واضح رہے کہ دنیا سے غربت کے منصوبوں پر ابھیجیت بنرجی اور ان کی اہلیہ کو مشترکہ طور پر نوبل انعام دیا گیا۔

ابھیجیت بنرجی کو نوبل انعام دیئے جانے کے اعلان کے بعد وزیر اعلیٰ ممتا بنرجی نے ابھیجیت کے گھر میٹھائی اور پھول بھیج کر مبارک باد پیش کی تھی جبکہ آج وہ خود ان کے مکان پہنچ کر ابھیجیت کی والدہ سے ملاقات کی اور انہیں مبارکباد پیش کی۔