ممتا کا کورونا ویکسین کی فراہمی میں بنگال کے ساتھ تعصب برتنے کا الزام

ممتا بنرجی نے کہا کہ مرکزی حکومت کے متعصبانہ رویہ کی وجہ سے بنگال میں ویکسینیشن کا کوئی منظم پروگرام نہیں چل رہا ہے۔

مغربی بنگال میں ویکسین کی قلت کی شکایت کرتے ہوئے وزیرا علیٰ ممتا بنرجی نے کہا کہ مرکزی حکومت ویکسین معاملے میں بنگال کے ساتھ سوتیلا سلوک کررہی ہے. انہوں نے کہاکہ اترپردیش کو 3.5 کروڑ، مہاراشٹر کو تین کروڑ کوروناویکسین دی گئی ہے جب کہ بنگال کو صرف دو کروڑ ویکسین دی گئی ہے۔
ممتا بنرجی نے کہا کہ مرکزی حکومت کی جانب متعصبانہ رویہ کی وجہ سے بنگال میں ویکسین کو لے کر کوئی منظم پروگرام نہیں چل رہا ہے ۔

ممتا بنرجی نے کہا کہ چیف سیکریٹری کو ہدایت دی گئی ہے کہ وہ مرکزی حکومت کو خط لکھ کر زیادہ سے زیادہ ویکسین کا مطالبہ کرے ۔
ممتا بنرجی نے کہا کہ بنگال میں ویکسین پروگرام میں کسی بھی طرح سے لاپرواہی ہونی چاہئے۔

کل تک 2.17کروڑ خوراکیں دی گئی ہے ۔ہمیں ضرورت کے مطابق ویکسین نہیں ملے ہیں ۔اب تک صرف 1.99کروڑ ویکسین ملے ہیں ۔