Fake SIM Cards: مالدہ سائبر کرائم پولیس نے فرضی سم کارڈز کے ساتھ ایک شخص کو گرفتار کرلیا

مغربی بنگال مالدہ ضلع سائبر کرائم پولیس نے مرشدآباد ضلع کے ساگر دیکھی تھانہ علاقے سے دو ہزار 225 فرضی سم کارڈ کے ساتھ عبدالحیم نام کے ایک شخص کو گرفتار کر لیا۔ اس پر فرضی سیم کارڈ کے ذریعہ لوگوں سے تاوان وصولی کا الزام ہے۔Cyber Crime Police Arrested a Man with Fake SIM Cards

مغربی بنگال کے مالدہ ضلع سائبر کرائم پولیس نے مرشدآباد ضلع کے ساگر دیکھی تھانہ علاقے سے دو ہزار 225 فرضی سیم کارڈ کے ساتھ عبدالحیم نام کے ایک شخص کو گرفتار کر لیا گیا۔ سائبر کرائم سیل کی پولیس نے مرشدآباد کے ساگر دیکھی تھانہ علاقے میں رہنے والے شخص کو فرضی سیم کارڈ کے ذریعہ لوگوں سے تاوان وصولی کے الزام میں گرفتار کیا ہے۔ Cyber Crime Police Arrested a Man with Fake SIM Cards

مالدہ ضلع پولیس سپرنٹنڈنٹ امت کمار شاؤ نے پریس کانفرنس کو خطاب کرتے ہوئے کہا کہ یہ معاملہ چار فروری 2022 کا ہے۔ محمد شہاب الدین نام کے ایک شخص نے سائبر کرائم تھانے میں آئن لائن تین لاکھ 78 ہزار روپے ٹھگی کی شکایت درج کرائی تھی۔پولیس سپرنٹنڈنٹ نے کہا کہ معاملے کی تفتیش شروع کی گئی۔ اس معاملے میں تین لوگوں کی گرفتاری عمل میں آئی۔ انہیں سات دنوں تک پولیس تحویل میں رکھ کر پوچھ گچھ کی گئی۔

پوچھ گچھ کے دوران اس معاملے کا کنکشن مرشدآباد سے جڑ گیا۔انہوں نے کہا کہ پولیس کی ایک ٹیم ساگر دیکھی پہنچی اور عبدالحیم نام کے ایک شخص کو گرفتار کر لیا۔ اس کے گھر کی تلاشی کے دوران تقریباً ڈھائی ہزار (2225) فرضی سیم کارڈ برآمد کئے گئے۔تمام سم فرضی نام پر خریدے گئے تھے۔ ان کا مزید کہنا تھا کہ عبدالحیم نے پوچھ گچھ کے دوران کئی اہم معلومات فراہم کی ہے۔ اس معاملے میں عبدالحیم کے دیگر ساتھیوں کی تلاش ہے۔ یہ لوگ فرضی سم کارڈ کے ذریعہ لوگوں کو فون کرکے بلیک میل کیا کرتے تھے اور اس کے بعد ان سے تاوان وصول کرتے تھے۔