Kuntal Ghosh میں نے جو کچھ کیا وہ بااثر لیڈر کے اشارہ پر کیا: کنتل گھوش

اسکول سروس کمیشن گھوٹالہ میں گرفتار ترنمول کانگریس سے معطل لیڈر کنتل بنرجی نے ای،ڈی سے پوچھ تاچھ کے دوران دعویٰ کیا کہ اساتذہ کی تقرری میں رشوت کے معاملے میں تنہا نہیں ہوں بلکہ بااثرافراد کے اشارے پر کام کیا ہے۔ اس کے علاوہ ای ڈی نے شانتنو اور اس کی بیوی کے کمپنی اکاؤنٹس سے تقریباً 1.5 کروڑ روپے برآمد کیے ہیں۔

کولکاتا:مغربی بنگال میں اسکول سروس کمیشن گھوٹالہ میں گرفتار ترنمول کانگریس سے معطل لیڈر کنتل بنرجی نے ای،ڈی سے پوچھ تاچھ کے دوران دعویٰ کیا کہ اساتذہ کی تقرری میں رشوت کے معاملے میں تنہا نہیں ہوں بلکہ وہ بااثرافراد کے اشارے پر کام کیا ہے۔اس کے علاوہ، ای ڈی نے شانتنو اور اس کی بیوی کے کمپنی اکاؤنٹس سے تقریباً 1.5 کروڑ روپے برآمد کیے ہیں۔ ہگلی کے بالا گڑھ سے نکالے گئے ترنمول لیڈر کنتل بنرجی بھرتی بدعنوانی کے معاملے میں طویل عرصے سے ای ڈی کے ریڈار پر تھے۔ ای ڈی نے 20 جنوری کو ان کے گھر پر بھی چھاپہ مارا تھا۔ ٹی ای ٹی کی او ایم آر شیٹس کے زیراکس، امیدواروں کی فہرست جیسے کاغذات تھے۔ اس کے بعد ای ڈی نے شانتنو کو کئی بار طلب کیا۔ بالآخر گزشتہ ہفتے گرفتار کر لیا گیا۔

شانتنو کی گرفتاری کے بعد بھرتی بدعنوانی کے معاملے میں ایک کے بعد ایک اطلاعات سامنے آرہی ہیں۔ ذرائع کے مطابق پوچھ گچھ کے دوران ای ڈی کے سوالات کے جواب میں ترنمول لیڈر نے دعویٰ کیا کہ تینوں نے جو کچھ کیا، وہ چند بااثر لوگوں کے حکم پر کیا۔ تاہم، ای ڈی اس بات کا جائزہ لے رہی ہے کہ شانتانو اور کنتل کے دعویٰ میں کتنی سچائی ہے۔اس کے علاوہ افسران کو شانتنو بنرجی اور ان کی اہلیہ کے کھاتوں میں تقریباً ڈیڑھ کروڑ روپے کا پتہ چلا ہے۔ مجموعی طور پر تقریباً 35 بینک کھاتوں کو منجمد کر دیا گیا ہے۔