شاردہ چٹ فنڈ: راجیو کمار نے مزید مہلت مانگی

شاردہ چٹ فنڈ بدعنوانی معاملے میں گرفتاری کی لٹکتی تلوار سے بچنے کے لیے کولکاتا پولیس کے سابق پولیس کمشنر راجیو کمار نے سپریم کورٹ کا دروازہ کھٹکھٹایا ہے۔

کولکاتا کے سابق پولیس کمشنر راجیو کمار نے خودکادفاع اورگرفتاری سے بچنے کے لیے قانونی عمل کا سہارا لینے کے خاطر دی گئی ایک ہفتے کی مہلت میں مزید اضافہ کرنے کی درخواست کی۔
راجیو کمار کے وکیل نے جسٹس اندرا بنرجی اور جسٹس سنجیو کھنہ کی بنچ کو بتایا کہ ریاست میں وکیلوں کی ہڑتال چل رہی ہے۔ اس لیے ان کے موکل کو سات دن کی مزید مہلت دی جائے۔
واضح رہے کہ عدالت عظمیٰ نے گزشتہ ہفتہ راجیو کمار کی گرفتاری پرعائدعبوری پابندی کو ختم کردیا تھا ۔انہیں اپنے دفاع میں قانونی عمل کا سہارا لینے کے لیے سات دنوں کی مہلت دی ہے۔