کولکاتا پولیس نے کرناٹک کے تاجر کو اغوا کاروں کے چنگل سے آزاد کرایا

کولکاتا پولیس نے 24گھنٹوں کے اندر ہی کرناٹک کے چاول تاجر کو اغوا کاروں کے چنگل سے آزاد کرایا . اس معاملے میں دو افراد کی گرفتاری عمل میں آئی ہے۔

مغربی بنگال کے دارالحکومت کولکاتا کے مہاتما گاندھی روڈ میں واقع ایک مکان سے کرناٹک کے چاول تاجر کو اغوا کر لیا گیا تھا.

اغوا کاروں نے تاجر کو جنوبی 24 پرگنہ کے نریندر پور کے گلشن کالونی لے جا کر وہاں تاجر کے رشتہ داروں کو فون کرکے پانچ لاکھ روپے ادا کرنے کی ہدایت دیتے ہیں.

کرناٹک میں رہنے والے رشتہ داروں نے کرناٹک پولیس کو اس کی اطلاع دی۔

اس کے بعد کولکاتا پولیس سے رابطہ کیا.

شکایت موصول ہوتے ہی کولکاتا پو لیس مغوی تاجر کی تلاش شروع کر دی.

ابتدائی تفتیش کے دوران پتہ چلا کہ مغوی تاجر کو جنوبی 24 پرگنہ کے نریندر پور کے گلشن کالونی میں قید کرکے رکھا گیا ۔

کولکاتا پولیس نے موبائل ٹاور لوکیشن کی مدد سے اغوا کاروں کے ٹھکانے تک پہنچی.

چاول کے تاجر کو اغواکاروں کے چنگل سے آزاد کرایا.

پولیس کا کہنا ہے کہ کرناٹک کے تاجر کا نام شیخ منصور عالم ہے.

وہ ایک چاول کے کاروباری ہیں.

وہ اکثر و بیشتر کولکاتا آتے رہتے ہیں اس پوری کارروائی میں تاجر کے رشتہ داروں نے اہم رول ادا کیا.

ہدایت کے مطابق رشتہ داروں نے اغواکاروں سے فون پر بات چیت کرتے رہے پولیس ٹاور لوکیشن کی مدد سے ٹھکانے پر پہنچ گئی ۔

پولیس نے کہا کہ شیخ منصور عالم کی اچھی خاصی پہچان ہے اسی وجہ سے ان کا اغوا کیا گیا.

پولیس نے اس معاملے میں محمد ریاض اور محمد اشرف کو گرفتار کر لیا ہے.

دونوں کا چاول تاجر کے ساتھ کاروباری تعلقات تھے ۔

اسی بنیاد پر ان کا اغوا کیا گیا.

اغوا کاروں نے چاول کے تاجر کو اغوا کرنے کا منصوبہ بہت پہلے ہی بنا چکے تھے.

پولیس یہ پتہ لگانے کی کوشش کر رہی ہے کہ اس معاملے میں ان دونوں کے علاوہ اور کتنے لوگ ملوث تھے۔