MLA Naushad Siddiqui غریب عوام کے لئے ہماری لڑائی جاری رہے گی

انڈین سیکولر فرنٹ کے رکن اسمبلی نوشاد صدیقی نے عدالت میں پیشی کے لئے عدالت میں داخل ہونے سے قبل نامہ نگاروں سے بات چیت کرتے ہوئے کہاکہ مغربی ببگال کی غریب عوام کے لئے ہماری لڑائی جاری رہے گی۔ حکومت اور پولیس کے پاس ہمارے کے خلاف کوئی ثابت نہیں ہے اس کے باوجود ہمیں جیل میں قید کر کے رکھی ہوئی ہے۔

کولکاتا:مغربی بنگال کے جنوبی 24 پر گنہ کے بھانگوڑ سے انڈین سیکولر فرنٹ کے رکن اسمبلی نوشاد کو پارٹی کے یوم تاسیس کے موقع پردارالحکومت کولکاتا میں بھگدڑ مچ گئی تھی۔پولیس اور پارٹی کارکنان کے درمیان جھڑپ ہوئی تھی۔کولکاتا پولیس نے آئی ایس ایف کے رکن اسمبلی نوشاد صدیقی کو ہنگامہ برپا،شہر میں افراتفری کا ماحول پیدا کرنے اور پولیس اہلکاروں پر حملہ کرنے کے الزام میں گرفتار کرلیا۔

گزشتہ ماہ جنوری کے آخری میں رکن اسمبلی نوشاد صدیقی کی گرفتاری عمل میں آئی وہ ابھی تک جیل میں ہیں۔اسی درمیان آج انہیں بنکشال عدالت میں پیش کیا گیا۔عدالت نے ان کی ضمانت کی درخواست رد کرتے ہوئے 28 فروری تک جیل کی تحویل میں رکھنے کا حکم دیا۔ عدالت میں داخل ہوتے وقت آئی ایس ایف کے رکن اسمبلی نوشاد صدیقی نے ہفتے کے روز دوبارہ ریاستی حکومت کے خلاف آواز بلند کی ۔ انہوں نے کہا کہ جو لڑائی نوشاد صدیقی نے شروع کی ہے وہ کسی صورت پر نہیں رکے گی۔ اس کے لئے ہم کوئی بھی قیمت چکانے کے لئے تیار ہیں ۔

انہوں نے کہاکہ سب دیکھ رہے ہیں کہ کس طرح ایک ایم ایل اے کو حراست میں لیا جا رہا ہے۔ کس طرح سے منتخب رکن اسمبلی کو پریشان کیا جا رہا ہے ۔صرف اس لئے کہ ہم نے بدعنوان رہنماوں سے ہاتھ ملانے سے انکار کردیا ہے لیکن لڑائی کبھی نہیں رکے گی۔ لڑائی جاری ہے۔