کلکتہ ہائی کورٹ میں پسماند ہ مسلم ریزرویشن کے خلاف سماعت

Calcutta High Court کلکتہ ہائی کورٹ میں پسماندہ مسلمانوں کو ریزرویشن کے غیرقانونی سے متعلق عرضی پر سماعت شروع ہوگئی ہے۔ عرضی گزار نے دعویٰ کیا ہے کہ مغربی بنگال میں مسلمانوں کو پسماندہ طبقے کے طور پر ریزرویشن کا نظام قانونی طور پر درست نہیں ہے۔

کولکاتا:مغربی بنگال کے دارالحکومت کولکاتا میں واقع کلکتہ ہائی کورٹ کے جسٹس تپوبرتا چکرورتی کی زیرقیادت ڈویژن بنچ میں مدعی امل چندر داس کے وکلاء نے اس معاملے میں اپنے دلائل رکھے۔عدالت نے کہا کہ کیس کی دوبارہ سماعت آئندہ ہفتے ہوگی۔

درخواست گزار گرو کرشن کمار کے وکیل وکرم بندوپادھیائے، سدیپتا داس گپتا، دیویانی رائے نے اپنے دلائل میں کہا کہ مسلمانوں کے 41 گروپوں کو کس بنیاد پر دیگر پسماندہ طبقات (او بی سی) کے تحت لایا گیا ہے۔ یہ واضح نہیں ہے۔ سروے کے بعد ہی سماجی ، تعلیمی اور معاشی پسماندگی کے اعتبار سے پسماندہ گروپ کو اوبی سی زمرے میں رکھا جاتا ہے۔لیکن مسلم پسماندہ طبقات کا سروے کئے بغیر منمانی طور پر ریزرویشن دیا گیا ہے۔

2010 میںاو بی سی زمرہ کو تقسیم کیا گیا تھا اور اس میں اے کیٹیگری سے زیادہ پسماندہ گروپوں کو رکھا گیا تھا۔ رہنما خطوط کی اشاعت کے 6 ماہ کے اندر، ریاست کی 42 مسلم برادریوں میں سے 41 کوOBC-A زمرہ میں شامل کیا گیا۔ وکلاء کے ایک حصے کے مطابق اس سے پہلے ایک بشریاتی سروے ضروری ہے۔ اب ریزرویشن کے حق میں دلائل اگلے ہفتے کی سماعت کے دوران دئیے جائیں گے۔غربی بنگال میں مسلمانوں کو پسماندہ طبقے کے طور پر ریزرویشن کا نظام قانونی طور پر درست نہیں ہے

یواین آئی