ہاتھیوں کے جھنڈ سے گاوٗں والے پریشان

ریاست مغربی بنگال میں سلی گوڑی کے ناگ ڈوگرا کے مختلف گاوٗں میں ہاتھیوں کے جھنڈ داخل ہونے سے لوگوں میں دہشت پھیل گئی۔ ہاتھیوں کے جھنڈ کے قومی شاہراہ پرآنے سے گاڑیوں کی آمد ورفت بھی متاثر ہوئی۔

مغربی بنگال کے سیلی گوڑی ضلع کے باگ ڈوگرا میں تقریبا 30 ہاتھیوں پر مشتمل ایک جھنڈ کے مختلف گاوٗں میں داخل ہونے سے لوگوں میں دہشت پھیل گئی۔

ہاتھیوں کے جھنڈ نے کئی گاؤں میں فصل بر باد کیا۔ ہاتھیوں کے جھنڈ نے گھروں میں بھی توڑ پھوڑ بھی کی۔

محکمہ جنگلات کے مطابق تیس سے زائد ہاتھیوں نے باگ ڈوگرا علاقے میں آفت مچا رکھی ہے ۔ کئی گاؤں میں آفت مچانے کے بعد ہاتھیوں کے جھنڈ قومی شاہراہ پر چلے گئے۔

محکمہ جنگلات کا کہنا ہے کہ ہاتھیوں کی وجہ سے قومی شاہراہ پر گاڑیوں کی آمد ورفت پوری طرح سے متاثر ہوئی ہے۔

محکمہ جنگلات کے مطابق ہاتھیوں کو جنگل کی طرف لے جانے کی کوشش کی جارہی ہے۔ محکمہ جنگلات کے اہلکاروں اور گاوں والوں کی مدد سے ہاتھیوں کو رہائشی علاقے سے دور لے جانے کی کوشش کی جارہی ہے۔

گاوں والوں کا کہنا ہے کہ طلاع دی جانے کے بعد محکمہ جنگلات کی ٹیم وقت پرنہیں پہنچ پائی جس کی وجہ سے ہاتھیوں نے کھیتوں میں داخل ہوکرفصل برباد کیا۔