پوری دنیا کے مسلمانوں کے لئے عیدالفطر اور عیدالاضحیٰ اہم تہوار ہیں۔ ان تہواروں کے موقع پر پورے ملک میں سرکاری چھٹی ہوتی ہیں۔ حکومت مغربی بنگال کی طرف سے بھی آئندہ 21 جولائی کو عیدالاضحیٰ کی سرکاری چھٹی ہے اس کے باوجود کولکاتا کے ایک سرکاری کالج سر گروداس مہا ودیالیہ نے نوٹس جاری کرتے ہوئے طلبا کو ہدایت دی تھی کہ عیدالاضحیٰ کے روز امتحانات کا فارم جمع کریں جب کہ اس دن سرکاری چھٹی ہے۔ جس کی وجہ سے تنازعہ ہوگیا ہے۔ طلبا کے احتجاج کے بعد کالج کی طرف سے ترمیم شدہ نوٹس جاری کیا گیا۔
تنازعہ کھڑے ہونے پر کالج انتظامیہ نے ترمیم شدہ تاریخ کا اعلان کیا آئندہ 21 جولائی کو عیدالاضحیٰ کا تہوار ہے۔ حکومت مغربی بنگال نے چھٹی کی جو فہرست جاری کی ہے اس میں آئندہ 21 جولائی کو سرکاری چھٹی کا اعلان کیا گیا ہے۔ لیکن کولکاتا کا ایک کالج جو ریاستی حکومت کے ماتحت ہے۔ شمالی کولکاتا کے الٹا ڈانگہ 33/6/1 بپلبی برین گھوش سرانی کولکاتا 69 میں موجود سر گروداس مہاودیالیہ کی طرف سے گزشتہ 7 جولائی کو نوٹس جاری کی گئی۔ جس میں کہا گیا ہے کہ کالج کے بی اے، بی کام، بی ایس سی کے پاس کورس اور آنرس کے دوسرے اور تیسرے سیمیسٹر کے لئے پرنسپل کی طرف سے 7 جولائی کو جو امتحانات کے لئے تاریخ دی گئی ہے۔ اس کا فارم آئندہ 21 جولائی کو جمع کرنا پڑے گا۔
21 جولائی کو کالج بنگلہ شعبہ کے دوسرے سیمیسٹر کے طلباء کو آن لائن امتحانات کے فارم مکمل کرکے کالج کے دفتر میں جمع کرنے کی ہدایت دی گئی ہے۔
اس نوٹس کے بعد سے تنازعہ شروع ہوگیا ہے کیونکہ دوسرے اضلاع سے تعلق رکھنے والے طلبا عید کی چھٹی کی وجہ سے ایک دو روز قبل ہی اپنے گھر چلے گئے ہیں۔ عیدالاضحیٰ کے دن کالج میں فارم جمع کرنے کی نوٹس سے خصوصی طور پر مسلم طلباء کی پریشانی بڑھ گئی ہے۔
جب کہ ریاستی حکومت کی سرکاری چھٹی کی فہرست میں 21 جولائی کو عیدالاضحیٰ کے موقع پر سرکاری چھٹی ہے۔ جب کہ مرکزی حکومت کے اداروں میں بھی 21 جولائی کو سرکاری چھٹی ہے۔
مزید پڑھیں: کلکتہ: ڈی ایس او نے طلبہ کی فیس معاف کرنے کا مطالبہ کیا
ریاستی حکومت کے ماتحت چلنے والے اس کالج پر من مانی کرنے اور حکومت کی ہدایات کی خلاف ورزی کرنے کا الزام لگاتے ہوئے عید کے موقع پر امتحانات کے فارم جمع کرنے کی بات پر ریاست کے طلباء کی طرف سے احتجاج شروع ہوگیا اور فارم جمع کرنے کی تاریخ میں تبدیلی کا مطالبہ کیا جانے لگا، جس کے بعد کالج کو فارم جمع کرنے کی تاریخ میں تبدیلی کرنی پڑی۔ اب کالج کی ویب سائٹ پر 9 جولائی کو ترمیم شدہ نوٹس جاری کیا گیا ہے۔
