کولکاتا: مغربی بنگال کے دارالحکومت کولکاتا میں انفورسمنٹ ڈائریکٹوریٹ (ای ڈی) نے منی لانڈرنگ کیس کے سلسلے میں جمعہ کو کولکاتا کے ایک تاجر کے کم از کم 12 ٹھکانوں پر چھاپہ ماری مہم چلائی .Enforcement Directorate Raid In West Bengal In Money Laundering Case
کولکاتا میں ای ڈی نے گرفتار تاجر کے ٹھکانوں پر چھاپہ ماری مہم چلائی ایک ماہ قبل گرفتار ہونے والے تاجر پر ہندستانی فوج کی زمین جعلی دستاویزات کے ذریعے فروخت کرنے کا الزام ہے۔
ذرائع کے مطابق ای ڈی کے عہدیداروں نے جمعہ کی علی الصبح کاروباری کے کولکتہ کے سالٹ لیک کے سیکٹر 5، وسطی اور جنوبی کولکتہ کے نوناپوکر اور گریہاٹ روڈ پر واقع رہائش گاہ سمیت چار مقامات اور دفاتر پر چھاپے مارے ۔ تاجر کی رانچی کے بااثر لوگوں تک رسائی ہے۔
ای ڈی کے اہلکار جعلی دستاویزات کے مزید ثبوت تلاش کر رہے ہیں جن کا استعمال تاجر اور اس کے کچھ قریبی ساتھیوں نے زیادہ قیمت حاصل کرنے کے لیے فوج کی زمین پر قبضہ کرنے کے لیے کیا تھا۔
یہ بھی پڑھیں:Manik Bhattacharya رکن اسمبلی مانک بھٹاچاریہ کے قریبی تاپس منڈل کو ای ڈی نے ایک بار پھر طلب کیا
کاروباری امر اگروال کو گزشتہ ماہ ای ڈی نے گرفتار کیا تھا۔ تاجر کو مبینہ طور پر راجیو کمار نامی وکیل کے خلاف سازش کرنے کے الزام میں گرفتار کیا گیا تھا، جس نے جھارکھنڈ کے وزیر اعلیٰ ہیمنت سورین کے خلاف دو پی آئی ایل بھی دائر کی تھیں۔
ذرائع کے مطابق ہندستانی فوج کی جانب سے زمین پر قبضے کی اطلاع کے بعد ای ڈی حرکت میں آگیا جس کی اطلاع فوج نے رانچی میں جھارکھنڈ پولیس کو بھی دی تھی۔Enforcement Directorate Raid In West Bengal In Money Laundering Case
