مغربی بنگال کی حکمراں جماعت ترنمول کانگریس کی دومرتبہ رکن پارلیمان شتابدی رائے روز ویلی چٹ فنڈ بدعنوانی کیس میں سالٹ لیک میں واقع سی جی او کمپلیکس جہاں ای ڈی کا دفترہے میں آج دوپہر پیش ہوئی۔
اس سے قبل شتابدی رائے نے ای ڈی کو خط لکھ کر کہا تھاکہ برانٹ ایمبسڈر کے طور پر انہوں نے روز ویلی چٹ فنڈ گروپ سے جور وپے لیے ہیں وہ واپس کرنے کو تیار ہیں۔
خیال رہے کہ پارلیمنٹ کے اجلاس کی وجہ سے شتابدی رائے نے ای ڈی کے سامنے پیش ہونے سے مہلت لی تھی مگر اب جب کہ پارلیمنٹ کا اجلاس ختم ہوچکا ہے تو وہ ای ڈی کے دفتر میں پیش ہوئیں۔ای ڈی کے ذرائع کے مطابق کئی اہم امور میں ان سے پوچھ تاچھ کی جارہی ہے۔
ای ڈی کے ذرائع کے مطابق شاردا گروپ کے برانڈ ایمبسڈر کے طور پر انہوں نیبڑے پیمانے پر ر وپے لیے تھے۔جانچ ایجنسی یہ جاننے کی کوشش کررہی ہے کہ یہ روپے معاہدہ کے مطابق تھے یا پھر معاہدہ سے زیادہ لیے گئے ہیں۔