فراین گونسالز کے فیصلہ کن گول کی بد ولت موہن بگان نے اںدین نیوی کو ایک دلچسپ میچ میں شکست دے کر غیرمفتوح ریکارڈ کے ساتھ سیمی فا ئنل میں جگہ بنالی۔
ڈرونڈ کپ کے سیمی فا ئنل میں موہن بگان کا رئیل کشمیر ایف سی مقابلہ ہو گا جب کہ دوسر ے سیمی فائنل میں ایسٹ بنگال اور گوکھلم کیرالہ ایف سی کی ٹیمیں نبردآزماہوں گی۔
سالٹ لیک اسٹیڈیم میں کھیلے گیے میچ میں موہن بگان اور انڈین نیوی کے درمیان دلچسپ مقابلہ ہوا۔ پہلے ہاف میں دونوں ٹیمیں گول کرنے میں ناکام رہیں۔
دوسر ے ہاف میں بھی موہن بگان اور انڈین نیوی کے درمیان دلچسپ مقابلہ ہوا۔ کھیل کے 58 ویں منٹ پرفراین گونسالز پنالٹی کو گول میں تبدیل کرکے موہن بگان کو ایک صفر سے آگے کردیا۔
انڈین نیوی کی ٹیم کی جانب سے چند تحریکیں دکھنے کوملیں لیکن حریف کی دفاعی دیوار میں شگاف ڈال نہ سکی۔
کھیل کے اختتام تک موہن بگان نے ایک ۔صفر سے میچ جیت کر غیرمفتوح ریکارڈ کے ساتھ ڈرونڈ کپ کے سیمی فائنل میں شاہانہ داخلہ لے لیا۔
موہن بگان اپنے گروپ میں تینوں میچ جیت کر نو پائنٹ کے ساتھ اپنے گروپ میں سرفہرست رہی۔اٹلیٹیکو ڈی کولکاتا چار پوائنٹ کے ساتھ دوسرے، محمڈن اسپو رٹنگ تین پوائنٹ کے ساتھ تیسرے اور انڈین نیوی چوتھے مقام پر رہی۔
موہن بگان کےکوچ نے کہاکہ غیرمفتوح ریکارڈ کے ساتھ ٹورنامنٹ کے سیمی فائنل میں کوالیفائی کرنا ہمارے فخرکی بات ہے۔ سیمی فائنل میں ہمارا مقابلہ رئیل کشمیرایف سی سے ہوگا۔ کشمیری ٹیم مضبوط اور متوازن ہے ۔ ہمیں محتاط انداز میں کھیل کامظاہرہ کرنا ہوگا۔
