جواہر لال نہرو یونیورسٹی کے طلباء کے ساتھ اظہار یکجہتی کیلئے پہنچےمغربی بنگال کی حکمراں جماعت ترنمول کانگریس کے وفد کو یونیورسٹی کے گیٹ نمبر ایک پر ہی روک دیا گیا ہے۔
ترنمول کانگریس کے وفد کو جے این یو کے باہر روک دیاگیا کل شام جے این یو میں ہنگامہ آرائی کے بعد وزیرا علیٰ ممتا بنرجی نے واقعے کی مذمت کرتے ہوئے سابق مرکزی وزیر دنیش ترویدی کی قیادت میں ایک وفد کو جے این یو کے طلباء سے ملاقات کرنے کیلئے بھیجا تھا۔
اس وقت میں ممبر پارلیمنٹ ساجدہ احمد، ممبر پارلیمنٹ مانس بھوئیاں سابق راجیہ سبھا رکن ویویک گپتا شامل تھے۔
وفدمیں شامل راجیہ سبھا رکن مانس بھوئیاں نے کہا کہ وزیرا علیٰ ممتا بنرجی کی ہدایت پر ترنمول کانگریس کا ایک وفد آج جواہر لال نہرو نیورسٹی پہنچا تھا۔
ترنمول کانگریس کے وفد کو جے این یو کے باہر روک دیاگیا ہم دنیش ترویدی کی قیادت میں صرف طلباء سے ملاقات کرنا چاہتے تھے مگر پولس نے ہمیں یونیورسٹی میں داخل نہیں ہونے دیا۔انہوں نے کہاکہ کل رات جے این یو میں جو کچھ ہوا ہے وہ انتہائی افسوس ناک اور قابل مذمت ہے۔
واضح رہے کہ گزشتہ شب دارلحکومت دہلی میں واقع جواہرلال نہرویونیورسٹی نامعلوم شرپسندوں نے احتجاج کررہے طلباء پر حملہ کردیا۔ حملے میں طلباء کے علاوہ پروفیسرز بھی زخمی ہوئے ہیں۔ اس حملے کے بعد پورے ملک میں مرکزی حکومت اور بی جے پی کی طلباء ونگ اے بی وی پی کے خلاف مظاہرے کا سلسلہ جاری ہے۔
