کوویڈ۔19: کولکاتا ہائی کورٹ اگلے چند دن کے لیے معطل

کولکاتا ہائی کورٹ کی جانب سے جاری ہونے والے ایک نوٹیفکیشن کے مطابق چیف جسٹس کے ذریعے طے شدہ اصولوں کے تحت عدالت 23 جولائی کو کام کرے گی۔

مغربی بنگال میں کووڈ۔19 کی شدت کے پیش نظر کلکتہ ہائی کورٹ کے تمام عدالتی اور انتظامی کام 20 جولائی سے 22 جولائی تک اور 24 جولائی کو معطل رہیں گے۔

تاہم نئے جاری ہونے والے ایک نوٹیفکیشن کے مطابق چیف جسٹس کے ذریعے طے شدہ اصولوں کے تحت عدالت 23 جولائی کو کام کرے گی۔

کولکاتا ہائی کورٹ

ایک نوٹیفکیشن میں کہا گیا ہے کہ 'اگر مذکورہ مدت کے دوران کسی بھی انتہائی ضروری یا ایمرجنسی معاملے پر بحث ضروری ہو تو درخواست گزار کے لئےایڈوکیٹ آن ریکارڈ اس معاملے میں مخصوص عجلت کی نشاندہی کرتے ہوئے رجسٹرار جنرل کو ایک خط لکھے گا۔ اسے چیف جسٹس کے سامنے رکھا جائے گا۔ تاکہ متعلقہ فریق اپنے معاملے کی جلد یکسوئی کو یقینی بناسکیں۔ چیف جسٹس ہر معاملے کی بنیاد پر عدالتوں کے انعقاد کی ہدایت کرسکتے ہیں'۔

اس سے قبل چیف جسٹس کلکتہ ہائی کورٹ کے جاری کردہ ایک نوٹیفکیشن کے ذریعہ اعلان کیا گیا تھا کہ 'کولکتہ میں لاک ڈاؤن کے نئے مرحلے، کنٹینمنٹ زون میں مسلسل اضافہ اور شہر میں کورونا مریضوں میں تیزی سے اضافے کی وجہ سے عدالتی کام معطل کیا گیا۔ کولکتہ اور اس کے مضافاتی علاقوں میں توسیع 19 جولائی تک کردی گئی تھی'۔

نیا جاری کردہ یہ حکم نو جولائی کو پہلے کے نوٹیفکیشن کے تسلسل میں ہے، جس کے ذریعے ہائی کورٹ میں عدالتی اور انتظامی کام 10 جولائی سے 13 جولائی تک معطل رہا۔