ضروری کام کے علاوہ کسی اور سرگرمیوں کی اجازت نہیں ہوگی۔اس سے قبل شام 6 بجے سے صبح 8 بجے تک گھر سے بلاضرورت نکلنے پر پابندی عائد تھی۔
وزیر اعلیٰ ممتا بنرجی کی ہدایت کے باوجود کلکتہ کی سڑکوں پر حسب ضرورت پرائیوٹ بسیز اور منی بسز سڑک پر نہیں اتری ہیں۔ بس اورمنی بس مالکان کی ایسوسی ایشن کرایے میں اضافے کے مطالبے کولے کرمحکمہ ٹرانسپورٹ سے کئی میٹنگ کرچکی ہے۔
منگل کی میٹنگ میں فیصلہ کیا گیا کہ ریگولیٹری کمیٹی نجی بسوں کے کرایہ سے متعلق فیصلہ کرے گی۔
مغربی بنگال بس و منی بس مالکان ایسوسی ایشن کے جنرل سکریٹری پردیپ نارائن باسو نے کہا کہ بسز اور منی بسز اس وقت پرانے کرایے پر چل رہی ہیں۔ جمعرات سے ایک ہزار سے زیادہ پرائیوٹ بسیں اور منی بسیں چلنی شروع ہوگئی ہیں باقی بسیں مرحلہ وار چلیں گی۔دو مہینے سے بسیں بند تھی اس کی وجہ سے بسوں کی مرمت کی ضرورت ہے اس کے علاوہ بہت سے ڈرائیور ضلع سے کلکتہ نہیں آپارہے ہیں کیونکہ لوکل ٹرینیں نہیں چل رہی ہیں۔