لوک سبھا میں کانگریس رہنما ادھیر رنجن چودھری کا کہنا ہے کہ حکومت دہلی تشدد کے سلسلے میں ایوان میں بحث کے دوران کانگریس کی آواز دبانا چاہتی ہے۔ اس لئے اس کے سات اراکین کو پورے سیشن کے لئے معطل کردیا گیا ہے۔
مسٹر چودھری نے جمعرات کو پارلیمنٹ کے احاطے میں نامہ نگاروں سے کہا ہے کہ حکومت بدلے کے جذبات سے کام کررہی ہے اور اس کے یہ جذبات ایوان میں بھی دیکھنے کو مل رہی ہے۔ کانگریس کے سات اراکین کو اسپیکر نے نہیں بلکہ پریسائڈنگ اسپیکر نے پورے سیشن کے لئے معطل کرنے کا حکم دے دیا ہے۔
انہوں نے بتایا کہ حکومت چاہتی ہے کہ دہلی تشدد کے سلسلے میں ایوان میں بحث کے دوران کانگریس کی آواز کمزور ہو اس لئے اس کے اراکین کو معطل کیا گیا ہے۔ انہوںنے بتایا کہ یہ حکومت کا فیصلہ ہے اور یہ فیصلہ کتنا غلط ہے ملک کی عوام کو طے کرنا ہے۔
مسٹر چودھری نے کہا ہے کہ ہمارے اراکین کو معطل کرکے اگر حکومت سوچتی ہے کہ کانگریس ڈر جائے گی تو اسے سمجھ لینا چاہئے کہ کانگریس ڈرنے والی نہیں ہے۔
حکومت کے غلط اقدام کے خلاف کانگریس مسلسل جدوجہد کرے گی اور اس کی مخالفت کرتی رہے گی۔ کانگریس دہلی تشدد کے سلسلے میں بحث کا مطالبہ کررہی ہے لیکن حیرت کی بات یہ ہے کہ اس کے اس مطالبہ پر دھیان نہیں دیا جارہا ہے۔