کولکاتا:خلیج بنگال میں اٹھنے والا طوفان سیترنگ کا رخ بنگلہ دیش کی طرف مڑ چکا ہے اس کے باوجود مغربی بنگال کے ساحلی علاقوں پر خطرہ منڈلا رہا ہے۔ اسی کے مدنظر ساحلی اضلاع میں الرٹ جاری کیا گیا ہے۔CM Mamata Banerjee Advices To People Not To Go Outside For Sitrang In West Bengal
اسی درمیان وزیراعلیٰ ممتا بنرجی نے عام لوگوں بالخصوص ساحلی اضلاع میں رہنے والے لوگوں سے منگل کے دن اپنے اپنے گھروں سے باہر نا نکلنے کی اپیل کی ہے۔اس کے ساتھ ساتھ ماہی گیروں کو انتظامیہ کی جانب سے اگلی ہدایت ملنے تک سمندر سے دور رہنے کی ہدایت دی ہے۔ وزیراعلی ممتا بنرجی نے کہا کہ جب تک طوفان سیترنگ کا اثر مکمل طور پر ختم نہیں ہو جاتا ہے اس وقت تک جنوبی 24 پرگنہ،شمالی 24 پرگنہ ،مشرقی مدنی پور،مغربی مدنی پور اور بردوان الرٹ جاری رہے گا۔