کولکاتا:ہائی کورٹ کی ہدایت کے مطابق سی بی آئی اور ای ڈی ریاست بھر میں اساتذہ تقرریوں میںمیں بدعنوانی کی تحقیقات کر رہی ہیں۔ پہلے ہی مختلف سالوں کے ٹی ای ٹی امتحان کے ذریعے بھرتیوں میں بڑی بدعنوانی پائی گئی ہے۔ حال ہی میں، سی بی آئی نے اس بات کی جانچ شروع کی ہے کہ آیا 2014 کے ٹی ای ٹی امتحان پر مبنی بھرتی میں بدعنوانی ہوئی ہے یا نہیں ۔ اس تفتیش میں، سی بی آئی TET 2014 کے ساتھ ساتھ ریاست کے کئی دیگر اضلاع کی بنیاد پر بانکوڑہ ضلع کے مختلف پرائمری اسکولوں میں ملازم اساتذہ کی معلومات طلب کی ہے۔
سی بی آئی نے ان تمام اساتذہ کی فہرست طلب کی ہے جو اس مخصوص سال کے ٹی ای ٹی کی بنیاد پر پرائمری اسکولوں میں ملازم ہوئے ہیں، کون کون سے اسکول میں کام کر رہاےںہے اور اساتذہ کی بھرتی سے متعلق کئی دیگر معلومات بھی طلب کی ہیں۔ ڈسٹرکٹ پرائمری اسکول بورڈ نے سی بی آئی کی طرف سے مانگی گئی مخصوص معلومات سے متعلق واضح نہیں کیا ہے لیکن سی بی آئی کے خط کی وصولی کو تسلیم کیا ہے۔