Panchayat Election In Bengal کلکتہ ہائی کورٹ کا پنچایت انتخابات میں مداخلت کرنے سے انکار

کلکتہ ہائی کورٹ نے پنچایت انتخابات 2023 کے عمل میں مداخلت کرنے سے انکار کردیا ہے۔ بی جے پی کے رکن اسمبلی اور حزب اختلاف کے رہنما شبھندو ادھیکاری نے پنچایت انتخابات سے متعلق عدالت میں ایک عرضی دائر کی تھی۔ Panchayat Election In Bengal

کولکاتا: مغربی بنگال کے دارالحکومت کولکاتا میں واقع کلکتہ ہائی کورٹ نے پنچایت انتخابات 2023 کے عمل میں مداخلت کرنے سے انکار کردیا ہے۔عدالت نے کہاکہ فی الحال اس معاملے میں مداخلت نہیں کیا جا سکتا ہے۔ کلکتہ ہائی کورٹ کے چیف جسٹس پرکاش سریواستو کی ڈویژن بنچ نے آج یہ حکم دیا۔ اس کے بعد ریاستی الیکشن کمیشن کے لیے پنچایتی انتخابات کی تاریخ کا اعلان کرنے میں کوئی رکاوٹ نہیں تھی۔

اسمبلی میں حزب اختلاف کے رہنما شوبھندو دھیکاری نے پنچایتی انتخابات میں صرف او بی سی کیلئے سیٹ ریزرو کرنے کے فیصلے کو چیلنج کرتے ہوئے عدالت میں ایک مقدمہ دائر کیا۔ تاہم عدالت نے شکایت قبول کرلی۔ چیف جسٹس کی ڈویژن بنچ نے کہا کہ ریاست کا صرف او بی سی برادری کو شمار کرنے کا فیصلہ قابل قبول نہیں ہے۔ چیف جسٹس نے ریمارکس دیے کہ مختلف برادریوں سے تعلق رکھنے والے افراد کے حساب کتاب کے لئے الگ اصول نہیں ہو سکتے۔

انہوں نے کہاکہ ہائی کورٹ کو توقع ہے کہ ریاستی الیکشن کمیشن سیٹ ریزرویشن کے معاملے پر قواعد کے مطابق غور کرے گا۔انتخابی کمیشن اس سلسلے میں پوری تیاری کر رہا ہوگا۔ ہائی کورٹ نے یہ بھی کہا کہ شوبھندو ادھیکاری دیگر درخواستوں کے لئے نئے سرے سے درخواست دے سکتے ہیں جن میں مرکزی فورس کے ذریعے ووٹنگ، عدالتی نگرانی میں ووٹنگ شامل ہے۔دوسری طرف حزب اختلاف کے رہنما شبھندو ادھیکاری نے کہاکہ وہ ایک بار پھر اس معاملے کو لے کر عرضی دائر کریں گے۔