ریاست مغربی بنگال کے مرشد آباد کے رنین نکر میں واقع بھارت بنگلہ دیش بین الاقوامی سرحد پر اسمگلروں کے حملے میں بی ایس ایف کے کانسٹیبل شدید طور پر زخمی ہو گئے۔
ذرائع کے مطابق یہ حادثہ آج صبح اس وقت پیش آیا جب دھنی آباد میں بارڈر آؤٹ پوسٹ پر تعینات بی ایس ایف کے جوانوں نے سرحد کے قریب مشکوک افراد سے پوچھ گچھ شروع کی۔
اسمگلروں نے چیلنج کرنے والے جوانوں پر فائرنگ کر دی جس میں ایک جوان شدید طور زخمی ہو گئے۔
زخمی بی ایس ایف کے جوان کو پہلے بلاک ہسپتال میں داخل کرایا گیا جہاں انہیں مرشد آباد میڈیکل کالج اینڈ ہسپتال میں منتقل کر دیا گیا ہے۔
مزید پڑھیں:دھوپ گوڑی میں سڑک حادثے میں 13 لوگوں کی موت
بی ایس ایف ذرائع کے مطابق زخمی جوان کا نام مرمو برمن ہے، وہ بی ایس ایف میں کانسٹیبل کے عہدے پر فائز ہے۔
کہا جا رہا ہے کہ بی ایس ایف نے بتایا کہ سرحد بنگلہ دیش سے آنے والے اسمگلروں کی سرگرمیوں میں اضافہ ہوا ہے۔ سرحد پر فوجی گشت بڑھا دی گئی ہے۔