حیدرآباد ۔ کولکاتا فلائٹ میں بم کی افواہ

حیدرآباد سے کولکاتا جانے والی ایک مسافر بردار طیارے میں بم کی افواہ سے افراتفری مچ گئی۔ سی آ ئی ایس ایف کی ٹیم نے افواہ بھیلانے کے الزام میں ایک شخص کو گرفتار کرکے پولیس کے حوالے کردیا۔

موصولہ اطلاع کے مطابق آج صبح سات بج کر 45 منٹ پر حیدرآباد سے کولکاتا کے لیے روانہ ہونے والی فلایٹ میں بم کی افواہ سے افراتفری مچ گئی۔

نامعلوم شخص نے پائلٹ کو طیارے میں بم رکھنے جانے کی اطلاع دی ۔ پائلٹ نے فوراً نیتا جی سبھاش چندر بوس انٹر نیشنل ائیر پورٹ کے کنٹرول روم سے رابطہ کرکے طیارے کے لینڈنگ کی اجازت مانگی۔

کولکاتا ایئر پورٹ پر طیارہ کی لینڈ نگ کے بعد بڑے پیمانے پرتلاشی مہم چلائی گئی۔ سی آ ئی ایس ایف کے جوانوں نے اس سلسلے میں ریتک چودھری نام کے ایک شخص کو گرفتار کرلیا۔

سی آ ئی ایس ایف کے مطابق پوچھ گچھ کے دوران ریتک چودھری نے پائلٹ کو غلط اطلا ع دینے کی بات قبول کی ۔

سی آ ئی ایس ایف کے جوانوں نے افواہ پھیلانے والے شخص کو بدھان نگر تھانے کی پولیس کے حوالے کردیا۔

واضح رہے کہ گزشتہ چھ مہینوں کے دوران کولکاتا کے نیتاجی سبھاش چندربوس انٹرنیئر پورٹ سے بم کی افواہ پھیلانے کے الزام میں اب تک تین افراد کی گرفتاری عمل میں آ چکی ہے۔