بی جے پی کی پریانکا ٹبریوال ممتا کے خلاف بھوانی پور سے امیدوار

بی جے پی نے آئندہ 30 ستمبر کو ہونے والے ضمنی انتخابات کے لیے بھوانی پور اسمبلی حلقہ سے اپنے امیدوار کے نام کا اعلان کر دیا ہے۔ ممتا بنرجی کے خلاف بھوانی پور اسمبلی حلقہ سے پریانکا ٹبریوال کو بی جے پی نے امیدوار بنایا ہے۔

بھوانی پور اسمبلی حلقہ سے بی جے پی نے ممتا بنرجی کے خلاف پریانکا ٹبریوال کو میدان میں اتارنے کا فیصلہ کیا ہے۔ پریانکا ٹبریوال پیشے سے وکیل ہیں اور الیکشن کے بعد ہونے والے تشدد معاملہ بھی بی جے پی کی طرف سے وہی دیکھ رہی ہیں اور ریاستی بی جے پی میں کئی اہم ذمہ داری ان کے پاس ہے۔ گذشتہ اسمبلی الیکشن میں انٹالی حلقہ سے بی جے پی کی امیدوار بھی تھیں۔

پریانکا ٹبریوال الیکشن کے بعد ہونے والے تشدد کے واقعات میں بی جے پی کی طرف سے وکیل کی حیثیت سے عدالت میں پیروی بھی کر رہی ہیں۔ وہ بحیثیت وکیل کافی مقبول ہیں۔

اس سے قبل سنہ 2021 اسمبلی انتخاب میں انہوں نے انٹالی سے قسمت آزمائی تھی لیکن ترنمول کانگریس کے سورنو کمل ساہا سے ہار گئیں تھی۔ بی جے پی کی طرف سے ٹی وی چینلوں کے مباحثے میں نظر آتی رہی ہیں۔ پریانکا ٹبریوال پارٹی میں ایک سرگرم رہنما کے طور پر جانی جاتی ہیں۔