مغربی بنگال میں تہواروں کے دوران بھی سیاسی جماعتیں ایک دوسرے کے خلاف بیان بازی سے باز نہیں آ رہیں ہیں۔
ہگلی ضلع میں ایک تقریب کے دوران جلسے کو خطاب کرتے بی جے پی کی رکن پارلیمان لاکٹ چٹرجی نے ممتا بنرجی کی قیادت والی رہاستی حکومت پر سخت تنقید کی۔
انہوں نے کہا کہ مرکزی حکومت کی مدد سے تیلنی پاڑہ کے گوندھل پاڑہ جوٹ مل میں دوبارہ کام شروع ہونے والا ہے۔
آئندہ یکم نومبر 2020 سے گوندھل پاڑہ جوٹ مل میں دوبارہ کام شروع ہو جائے گا، یہ سب بڑی خبر ہے۔
ان کا کہنا تھا کے اس سے ممتابنرجی کی قیادت والی ریاستی حکومت کو اس سے کیا لینا دینا ہے۔
انہوں نے کہا کہ مرکزی حکومت بنگال کے ایک ایک جوٹ کھلوانے کی کوشش کر رہی ہے لیکن ریاستی حکومت کی عدم توجہی کے سبب سب ختم ہو جارہا ہے۔
لاکٹ چٹرجی نے کہا کہ درگا پوجا کے بعد بی تمام بند جوٹ ملز کو کھلوانے کی کوشش کی جا ئے گی کیونکہ وزیراعظم نریندر مودی پہلے ہی کہہ چکے ہیں بنگال کے جوٹ انڈسٹری کو دوبارہ زندہ کرنے کے لئے جوٹ کے بنے ہوئے سامان کے استعمال کرنا ہوگا۔
بی جے پی کی رکن پارلیمان نے کہا کہ ممتا بنرجی کی حکومت کا وقت ختم ہوچکا ہے۔ ترنمول کانگریس میں افراتفری مچی ہے۔
واضح رہے کہ رکن پارلیمان لاکٹ چٹرجی پہلے ہی گوندھل پاڑہ جوٹ مل میں یکم نومبر سے کام شروع ہونے کا اعلان کر چکی ہیں۔