مغربی بنگال کے پرولیا کے بعد اب مغربی مدنی پور ضلع کے پنگلا میں 19سالہ بی جے پی رہنما کی لاش ایک درخت سے لٹکی ہوئی برآمد ہوئی ہے۔
عام انتخابات کے بعد سے اب تک پولیس انتظامیہ کی بھر پور کوشش کے باوجود مغر بی بنگال کے مختلف اضلاع میں سیاسی پارٹیوں کے حامیوں کے درمیان جھڑپوں کاسلسلہ جاری ہے۔
19سالہ پنتو منا جو نارن دیگھی کے پنگلا کے رہنے والے ہیں۔اس واقعے کے حلاف بی جے پی احتجاج کررہی ہے۔بی جے پی نے الزام عاید کیا ہے کہ منا کے قتل کے پیچھے ترنمو ل کانگریس کے غنڈوں کا ہاتھ ہے۔
پولیس کاکہنا ہے کہ پرُاسرار موت کی تفتیش جا ری ہے ۔ اب تک کسی کی گرفتاری عمل میں نہیں آ ئی ہے۔ متعدد افراد سے پوچھ تاچھ کی جارہی ہے ۔
بی جے پی نے الزام عاید کیا کہ منا کو قتل کرنے کے بعد ترنمو ل کانگریس کے غنڈوں نے درخت سے لٹکادیا ہے۔دوسری جانب ترنمو ل کانگریس نے کہا کہ یہ واقعہ آپسی رنجش کا نتیجہ ہے اور اس کو بی جے پی سیاسی رنگ دے رہی ہے۔
مقتول کے اہل خانہ نے الزام عاید کیا ہے حکمراں جماعت نے منصوبے کے تحت یہ قتل کو انجام دیا ہے۔
حکمراں جما عت ترنمول کانگریس کے رہنما نے بی جے پی کے رہنما کے الزام کو بے بنیاد قرار دیا ہے۔انہوں نے کہاکہ بی جے پی کے رہنما کی پرُاسرار موت کو بی جے پی کے گروہی تصادم کا نتیجہ قراردیا ہے۔