مغربی بنگال کے علی پور دوار میں پولیس نے خصوصی مہم کے دوران بی جے پی کی مزدور تنظیم کے رہنما اور آر ٹی او ملازم کو گرفتار کیا ہے۔ گرفتار شخص کی شناخت سنجیو پال کے طور پر ہوئی ہے۔ وہ بی جے پی کی مزدور تنظیم کا رہنما ہے۔
اس کے علاوہ ایک آر ٹی او ملازم کو بھی اس بدعنوانی کیس معاملے میں گرفتار کیا گیا ہے۔ پولیس کافی دنوں سے ان دونوں کو تلاش کر رہی تھی۔
تفصیلات کے مطابق سنجیو پال سرکاری عہدے پر کام کرتے ہیں، اس سے قبل وہ نبنو میں سی ایم میں تعینات رہ چکے ہیں۔
سنجیو پال کا نبنو سے علی پور دوار تبادلہ کیا گیا تھا اس دوران ان کے خلاف شکایت درج کرائی گئی تھی۔ سنجیو پال ترنمول کانگریس کے سرکاری مزدور فیڈریشن کی کور کمیٹی کےممبر بھی رہ چکے ہیں۔ اس کے بعد وہ بی جے پی میں شامل ہوگئے تھے۔
گرفتار بی جے پی رہنما سجیو پال شمالی 24 پرگنہ کے جگتدل رہنے والے ہیں اور ان کی گرفتاری پر سیاست کا بازار گرم ہوگیا ہے۔