عام انتخابات کے بعد سے ہی مغربی بنگال کے بیشتر اضلاع میں حکمراں جماعت ترنمول کانگریس اور بی جے پی کے حامیوں کے درمیان جھڑپوں کاسلسلہ جا ری ہے جس کے متعدد افراد ہلاک ہوچکے ہیںْ
شمالی24 پر گنہ کے آم ڈانگہ تھانہ علاقے میں ایک شو روم کو لے کر تکرار نے سیاسی پارٹیوں کے حامیوں کے درمیان جھڑپ کی شکل اختیار کرلی۔
ترنمول کانگریس اور بی جے پی کے حامیوں کے درمیان جھڑپ کے دوران فائرنگ اوربم بازی سے علاقے میں دہشت پھیل گئی۔ جھڑپ کے دوران متعدد دکانوں اور مکانوں میں توڑ پھوڑ کی گئی۔
پولیس اور آ ر اے ایف کی ٹیم نے جائے وقوع پرپہنچ کر حالات کو قابو میں۔ متعدد افراد کو گرفتار کیا گیا ہے۔ علاقے میں آر اے ایف اور پولیس کو تنقیات کیا گیا ہے۔
ترنمول کانگریس کاکہنا ہے کہ بی جے پی کے حامیوں نے علاقے پر قبضہ جمانے کی کوشش کی۔ انہوں نے ایک شوروم میں توڑ پھوڑ کی ۔اس کی مخالفت کرنے پر فائرنگ شروع کردی۔بی جے پی نے ترنمول کانگریس کے الزام کو بے بنیاد قراردیا ہے۔