India-Bangladesh International Bus Service: بنگال ۔ بنگلہ دیش بس خدمات دوبارہ شروع

کورونا وائرس اور لاک ڈاؤن کے سبب ڈھائی برسوں تک بنگال(کولکاتا) - بنگلہ دیش بس خدمات دوبارہ شروع ہو گئی ہے. بنگال ٹرانسپورٹ اسٹیٹ کارپوریشن اور گرین لائن کے اشتراک سے بس خدمات کی دوبارہ بحالی ممکن ہو سکی ہے۔ India-Bangladesh international Bus Service Resumes

مغربی بنگال کے وزیر فرہاد حکیم نے بنگال - بنگلہ دیش کے درمیان چلنے والی بس خدمات کا افتتاح کرنے کے بعد کہا کہ مغربی بنگال اور بنگلہ دیش کے درمیان رشتہ کافی پرانا ہے، لیکن کورونا وائرس کی وجہ سے بنگال - بنگلہ دیش کے درمیان چلنے والی بس خدمات معطل کر دی گئی تھی،انہوں نے کہا کہ لیکن کورونا وائرس کے بعد حالات میں تیزی سے بہتری آئی ہے، بس خدمات کی دوبارہ بحالی سے بنگال اور بنگلہ دیش کے لوگوں کو بڑا فائدہ ہوگا اور یہ تھوڑا سستا بھی ہوگا۔ India-Bangladesh international Bus Service Resumes

ان کا کہنا ہے کہ بنگال - بنگلہ دیش کے درمیان بین الاقوامی بس خدمات کی دوبارہ بحالی سے وہ خوش ہیں، ہدف آگے تک لے جانے کی کوشش کی جائے گی، بسوں کی تعداد میں بھی اضافہ کیا جائے گا۔

وزیر محکمہ ٹرانسپورٹ کے مطابق مغربی بنگال اسٹیٹ ٹرانسپورٹ کارپوریشن اور گرین لائن کی مشترکہ کوششوں کی بدولت دو پڑوسی بنگال اور بنگلہ دیش کے درمیان بس سروس بحال ہو سکی ہے،واضح رہے کہ چند دنوں قبل مغربی بنگال اور بنگلہ دیش کے درمیان ریل خدمات کی دوبارہ شروعات ہوئی تھی،کورونا وائرس کی وجہ سے معطل کر دی گئی تھی۔