بھارتی کرکٹ ٹیم کے کپتان کامیاب کپتانوں میں سے ایک سوروگنگولی نے کہاکہ پاکستان اور بھارت کے درمیان سیریز مرکزی حکومت کے فیصلے پر منحصر ہے۔
انہوں نے کہاکہ لمبے عرصے سے پاکستان اور بھارت کے درمیان ایک بھی دوطرفہ سیریز نہیں ہوئی ہے۔ اس سے کرکٹ کو نقصان ہو رہا ہے۔ ایشیا کی دومضبوط ٹیمیں بھارت اور پاکستان کے درمیان میچ دلچسپ ہوتاہے۔
کرکٹ ایسوسی ایشن آف بنگال کے صدر سوروگنگولی کاکہنا ہے کہ بھارت اور پاکستان کے درمیان ٹسٹ میچ ایشزسیریز سے بھی زیادہ دلچسپ اور سنسنی خیز ہوتا ہے۔اس بات سے کوئی انکار نہیں کرسکتا ہے۔
انہوں نے کہاکہ مرکزی حکومت کو بھارت اور پاکستان کے درمیان سیریز کافیصلہ کرنا ہے۔ اس میں بی سی سی آ ئی کالینا دینا نہیں ہے۔بی سی سی آ ئی حکومت کے فیصلے کامنتظر ہے۔
بیٹی ثنا گنگولی سے متعلق سابق بھارتی کپتان نے کہاکہ وہ بہت چھوٹی ہے۔ اسے ابھی کچھ معلوم نہیں ہے۔ اس کے ٹوئٹ کو زیادہ اہمیت نہ دی جائے تو بہتر ہے۔ وہ بچی ہے اسے سیاست سے کوئی لینا دینا نہیں ہے۔