بیربھوم:بی جے پی کے سنیئر رہنما اور مرکزی وزیر داخلہ امت شاہ مغربی بنگال کے دو روزہ دورے پر آج انڈال پہنچے۔ وزیرداخلہ امت شاہ کا انڈال ہوائی اڈے پر مغربی بنگال میں قائد حزب اختلاف شوبھیندو ادھیکاری، بھارتیہ جنتا پارٹی (بی جے پی) کی ریاستی یونٹ کے صدر سکانت مجومدار اور پارٹی کے دیگر رہنماؤں نے استقبال کیا۔ اس کے بعد وہ بارڈر سیکورٹی فورس کے ہیلی کاپٹر سے بیر بھومی ضلع کے سیوڑی پہنچے جہاں بی جے پی کے سنیئر رہنما اور مرکزی وزیر داخلہ امت شاہ نے بیربھوم ضلع کے شیوڑی میں بی جے پی ڈسٹرکٹ پارٹی دفتر کا افتتاح کیا۔
وہ بینیمادھو سیل اسکول گراؤنڈ میں ایک جلسہ عام سے خطاب کیا۔امت شاہ نے جلسے کو خطاب کرتے ہوئے کہاکہ ممتابنرجی اور ان کے بھتیجے کی ہدایت پر مغربی بنگال میں جو کچھ چل رہا ہے اس سے پورا ملک واقف ہے۔ انہوں نے کہاکہ وقت آگیا ہے جس طرح ملک کی بیشتر ریاستوں میں بی جے پی کی حکومت بنی ہے ٹھیک بنگال میں بھی نریندر مودی جی کی حکومت بنانے کا موقع دیں اس کے بعد ہم بنگال کو ترقی کی بلندیوں تک لے جائیں گے۔