کولکاتا:مغربی بنگال کے جنوبی 24 پرگنہ میں واقع خلیج بنگال میں 22 اکتوبر سے 25 اکتوبر کے درمیان طوفان سیٹرنگ (Cyclone Sitrang) کے آنے کی پیشنگوئی کی گئی ہے۔ساحلی علاقوں میں رہنے والوں کے لئے الرٹ جاری کردیا گیا ہے۔Agriculture Department Issues Depression Alert For South Bengal
طوفان کے مدنظر جنوبی بنگال میں الرٹ جاری اس کے مدنظر ریاست کے تمام ساحلی اضلاع جنوبی 24 پرگنہ،شمالی 24 پرگنہ،مشرقی مدنی پور،بردوان اور مغربی مدنی پور میں الرٹ جاری کردیا گیا ہے ۔کسانوں کو اپنی فصلوں کو کھیتوں سے ہٹا کرمحفوظ مقامات پر منتقل کرنے کا مشورہ دیا گیا ہے ۔
اس کے ساتھ ساتھ ماہی گیروں کو اگلے 48 گھنٹوں تک گہرے سمندر میں نا جانے کی ہدایت دی گئی ہے ۔ماہی گیروں کے لئے ہیلپ لائن بھی جاری کیا گیا ہے ۔
یہ بھی پڑھیں:Urdu Primary Schools of Bhiwandi بھیونڈی کارپوریشن کے اردو پرائمری اسکولز کے طلبا زمین پر بیٹھنے پر مجبور
علی پور محکمہ موسمیات کے مطابق سمندری طوفان انڈومان کے قریب سمندر میں کم دباؤ(Depression Alert for South Bengal) میں تبدیل ہو گیا ہے۔ ڈپریشن 22 اکتوبر بروز ہفتہ کو شدید ڈپریشن میں تبدیل ہو جائے گا۔ یہ ڈپریشن پیر کو طوفان میں بدل جائے گا۔ یہ طوفان اڈیشہ کے ساحل سے ٹکرانے کا امکان ہے اور منگل 25 اکتوبر کو مغربی بنگال اور بنگلہ دیش کے ساحل سے ٹکرائے گا۔ طوفان کے پیش نظر نوانا، کالی پوجا اور دیوالی کی تمام تعطیلات منسوخ کر دی گئی ہیں۔ جو لوگ اس وقت چھٹی پر ہیں انہیں 22 اکتوبر تک کام میں شامل ہونے کی ہدایت کی گئی ہے۔ خاص طور پر جنوبی بنگال کے اضلاع کے ملازمین کی چھٹیاں منسوخ کر دی گئی ہیں۔
طوفان کی سمت مغربی بنگال اور بنگلہ دیش کا ساحل ہو سکتا ہے۔ کم دباؤ شمال اور شمال مغرب کی طرف بڑھے گا اور 'سیترانگ' 25 تاریخ یعنی منگل کو مغربی بنگال-بنگلہ دیش کے ساحل سے ٹکرا سکتا ہے۔ جس کے نتیجے میں کالی پوجا کے اگلے دن ریاست میں خوفناک تباہی کا اندیشہ ہے۔Agriculture Department Issues Depression Alert For South Bengal
