دنیا بھر میں مشہور اتراکھنڈ کے روڑکی میں واقع درگاہ حضرت مخدوم صابر پاک کا 753 واں عرس پورے جوش و خروش سے منایا جارہا ہے, جہاں قمری مہینے کی 13 تاریخ کو عرس کا اختتام ہوگا۔
اتراکھنڈ: حضرت مخدوم صابر پاک کا 753 واں عرس منایا جارہا ہے
عرس صابری میں عقیدت مندوں کی تعداد میں مسلسل اضافہ ہو رہا ہے۔ انتظامیہ نے وسیع انتظامات کیے ہیں۔
مختلف ریاستوں سے تعلق رکھنے والے عقیدت مندوں نے عرس میں شرکت کی اور ملک و دنیا کے لیے دعائیں کیں۔ اس دوران اتراکھنڈ ، اترپردیش ، پنجاب ، دہلی ، راجستھان ، مہاراشٹر اور دیگر مقامات سے بڑی تعداد میں عقیدت مند کلیار پہنچ رہے ہیں ۔
مقامی انتظامیہ نے عقیدت مندوں کی سہولت کے لیے اور حفاظتی اقدامات کے تحت سخت انتظامات کیے ہیں جہاں پولیس کی بھاری نفری تعینات کی گئی ہے ۔اس دوران کثیر تعداد میں لوگوں نے لمبی لمبی قطاروں میں شامل ہوتے ہوئے مخدوم صابر پاک کی مزار پر چادر پوشی کی اور ملک کی بہتری و سلامتی کے لیے دعا کی۔