اترا کھنڈ: آئی آئی ٹی رڑکی کے سائنسداں نے دھماکہ سے بچنے والا ہیلمیٹ تیار کیا

انڈین انسٹی ٹیوٹ آف ٹکنالوجی (آئی آئی ٹی) رڑکی کے سائنسدان نے ایک خاص طرح کا ہیلمیٹ تیار کیا ہے- جو ھماکہ کے اثر سے بچانے والا ہے اور یہ ہیلمٹ جوانوں کو روایتی ہیلمیٹ کے مقابلہ میں زیادہ بہتر سیکورٹی فراہم کرسکے گا۔

آئی آئی ٹی رڑکی کے میکینیکل اینڈ انڈسٹریل انجینئرنگ شعبہ کے پروفیسر سیلیش گنپلے نے بتایا کہ یہ روایتی ہیلمیٹ کی جدید شکل ہے۔ انہوں نے بتایا کہ روایتی ہیلمیٹ عام طورپر گولی سے تحفظ کے لئے ڈیزائن کئے جاتے ہیں۔ دھماکہ سے بچنے کے لئے انہوں نے ہیلمیٹ کی اوپری سطح پر خاص طرح کا پیڈ لگایا ہے ۔

یہ پیڈ دھماکہ سے اٹھنے والی کرنوں کے لئے حفاظت کا کام کرے گا ساتھ ہی چہرہ کی سیکورٹی کے لئے اس ہیلمیٹ پر ایک خصوصی فیس شیلڈ بھی لگائی گئی ہے۔ اس گرینولر دانیدار میٹریل سے تیار کیا گیا ہے جس سے دھماکہ کی کرنوں سے اس فیس شیلڈ کو بہت کم نقصان پہنچتا ہے اس کو ڈیزائن کرنے میں تین سال کا وقت لگا ہے اور یہ ایجاد جوانوں کی سلامتی اور دہشت گردی مخالف کوششوں کو مضبوط کرنے کی سمت میں ایک اہم قدم ہے۔